ՎՏԲ-Հայաստան Բանկն ամփոփել է «Շահավետ Ամանոր» ակցիայի արդյունքները «Շահավետ» ավանդի շրջանակներում

ԵՐԵՎԱՆ, 7 փետրվարի./ԱՌԿԱ/. ՎՏԲ-Հայաստան Բանկն ամփոփել է «Շահավետ Ամանոր» ակցիայի արդյունքները «Շահավետ» ավանդի շրջանակներում և ավանդաբար անցկացրել վիճակահանություն, հաղորդում է ՎՏԲ–Հայաստան Բանկի մամուլի ծառայությունը:

«Շահավետ Ամանոր» ակցիան մեկնարկել է 2019 թվականի վերջին և նախատեսված է այն հաճախորդների համար, ովքեր ակցիայի ընթացքում (25.11.2019 – 30.12.2019) ձևակերպել են ՀՀ դրամով «Շահավետ» ավանդ 1 տարի ժամկետով` տոկոսագումարների ստացումով ավանդի ժամկետի ավարտին: Հաճախորդները ստացան տարեկան 10% բարձրեցված տոկոսադրույք (տարեկան եկամտաբերությունը` 9,9%) և հնարավորություն մասնակցելու վիճակահանությանը:

Համաձայն խաղարկության, որը հեռարձակվել է Բանկի Ֆեյսբուքյսն էջի ուղիղ եթերով, 10 հաջողակներ իրենց արդեն իսկ ձևակերպած ավանդի դիմաց ստացան աննախադեպ բարձր տարեկան տոկոսադրույք` 20% (տարեկան եկամտաբերությունը` 19,95%): 20% տոկոսադրույքը կհաշվարկվի ավանդի ժամկետի վերջում` ոչ ավելի, քան 10 միլիոն դրամի չափով ավանդի գումարի նկատմամբ:

ՎՏԲ-Հայաստան Բանկը շնորհակալություն է հայտնում ակցիայի բոլոր մասնակիցներին, շնորհավորում է հաղթողներին և պատրաստում նոր հետաքրքիր և եկամտաբեր խաղարկություններ իր հաճախորդների համար:
Բանկը վերահսկվում է ՀՀ ԿԲ կողմից:

«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: Այս պահին ՌԴ–ում մեծությամբ երկրորդ «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների ցանկում:–0–