Ամերիաբանկը 2016 թ.–ին գրանցել է մանրածախ գործառնությունների բարձր ցուցանիշներ
ԵՐԵՎԱՆ, 7 ապրիլի. /ԱՌԿԱ/. Ամերիաբանկը 2016թ.–ին գրանցել է մանրածախ գործառնությունների բարձր ցուցանիշներ, հաղորդում է բանկի մամուլի ծառայությունը։
Հաղորդագրության համաձայն, Ամերիաբանկը 2016թ. արդյունքներով բոլոր հիմնական ցուցանիշներով` ակտիվներով, հաճախորդների նկատմամբ պարտավորություններով, ընդհանուր կապիտալով, վարկային ներդրումներով, զուտ շահույթով զբաղեցնում է բացարձակ առաջատարի դիրքը ՀՀ բանկային համակարգում:
Ընդ որում, հաշվետու տարում մանրածախ գործառնությունների մասով գրանցվել են բարձր ցուցանիշներ, դրանք ներկայացված են ինֆոգրաֆիկայում:
«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և 2007թ-ից տրամադրում է նորարարական բանկային ծառայությունների լայն տեսականի:–0–
