Յունիբանկի աջակցությամբ Գյումրու N8 դպրոցում բացվեց ժամանակակից համակարգչային դասասենյակ
ԵՐԵՎԱՆ, 1 հունիսի./ԱՌԿԱ/. Յունիբանկի կողմից իրականացվող դպրոցների բարեկարգման և կահավորման ֆինանսավորման ծրագրի շրջանակում ժամանակակից համակարգչային սենյակ բացվեց Գյումրու թիվ 8 դպրոցում, հաղորդում է բանկի մամուլի ծառայությունը։
Դասասենյակը ոչ միայն վերանորոգվել և կահավորվել է, այլ նաև վերազինվել նոր տեխնիկայով: Այսուհետ դպրոցի 272 աշակերտները ինֆորմատիկայի դասընթացներն կանցկացնեն` օգտվելով նոր, ժամանակակից համակարգիչներից և ինտերակտիվ դասատախտակից:
Գյումրու թիվ 8 դպրոցում համակարգչային դասասենյակ ստեղծելու նախաձեռնությունը պատկանում է Շիրակի նախկին մարզպետ Արթուր Խաչատրյանին:
Հաշվի առնելով նման նախաձեռնության կարևորությունը, Յունիբանկը կշարունակի դպրոցների աջակցման ծրագրի իրականացումը` նսպատելով որակյալ կրթության և ուսումնական գործընթացի արդյունավետության բարձրացմանը: Յունիբանկի աջակցությամբ մարզերի, հատկապես՝ սահմանամերձ գոտիներում գտնվող դպրոցներում կկառուցվեն ժամանակակից կրթության պահանջներին համապատասխան դասասենյակներ:
«Յունիբանկը» հիմնադրվել է 2001 թվականի հոկտեմբերին։ 2002 թվականին ներդրել է «Յունիսթրիմ» համակարգը։ Բանկի հիմնական բաժնետերը «Ռիպատոնսո Հոլդինգզ Լիմիթեդն» է։ 2015 թվականից բանկը վերակազմավորվել է բաց բաժնետիրական ընկերության:–0–
