Երևանի կոնյակի գործարանը և ԱՐԱՐԱՏ կոնյակներն արժանացել են բարձր մրցանակների Բեռլինի խմիչքների միջազգային մրցույթում
ԵՐԵՎԱՆ, 10 մայիսի. /ԱՌԿԱ/. Բեռլինում կայացած միջազգային խմիչքների մրցույթում Երևանի կոնյակի գործարանի ԱՐԱՐԱՏ տեսականու 6 տարվա հնացման «Անի» կոնյակը արժանացել է ոսկե մեդալի, իսկ Երևանի կոնյակի գործարանը մրցույթի հանձանժողովի որոշմամբ արժանացել է «տարվա գործարան» հատուկ միջազգային մրցանակին, նշվում է Երևանի կոնյակի գործարանի տարածած հաղորդագրության մեջ։
Այս տարի մրցույթը, որին մասնակցել են ավելի քան 400 խմիչքներ աշխարհի շուրջ 20 երկրներից, անցկացվել է մարտի 5-ից 6-ը:
Բեռլինի միջազգային խմիչքների մրցույթը բացառիկ է իր տեսակի մեջ, քանի որ հանձնաժողովի կազմում ներառված են ալկոհոլային խմիչքների ոլորտի առաջատար մասնագետներ, այդ թվում` օն և օֆֆ-թրեյդի ներկայացուցիչներ, դիստրիբյուտորներ և ներմուծողներ, որոնք հնարավորություն ունեն ուղղակիորեն ազդեցություն ունենալ տվյալ ապրանքի վաճառքի վրա:
Հատկանշական է, որ, ըստ մրցույթի կազմակերպիչների, ԱՐԱՐԱՏ-ը առաջին հայկական ապրանքանիշն է, որը ներկայացրել է Հայաստանը մրցույթի ողջ պատմության ընթացքում:
«Սույն մրցանակներով ԱՐԱՐԱՏ կոնյակները շարունակում են միջազգային մրցույթներում բարձր մրցանակներ ստանալու հաղթարշավը», – նշվում է հաղորդագրության մեջ։
Ավելի վաղ ԱՐԱՐԱՏ կոնյակները արժանացել են Սան Ֆրանցիսկոյի SFIWSC և The World-Spirits մրցույթների բարձր պարգևներին:
ԱՐԱՐԱՏ «Անի» կոնյակն անվանվել է միջնադարյան Հայաստանի մայրաքաղաքի պատվին: Անի քաղաքի քառասուն դարպասներից գլխավորը զարդարում էր Բագրատունիների թագավորական դինաստիայի խորհրդանիշը՝ նրբագեղ բարսը, որն այսօր պատկերված է ԱՐԱՐԱՏ տեսականու համանուն կոնյակի փաթեթավորման վրա:
ԱՐԱՐԱՏ «Անի» կոնյակը կատարյալ է նրանց համար, ովքեր գնահատում են վառ հույզերն ու նոր տպավորությունները: Այս կոնյակը հիանալի կերպով ընդգծում է պահի կարևորությունը և այն վերապրելու անկեղծ ուրախությունը:–0–
