Հայաստանում Kempinski բրենդի ներքո կկառուցվի բնակելի luxury համալիր, նախագծի արժեքն ավելի քան 200մլն դոլար է
07.07.2023,
23:28
2025թ.-ի սկզբին համալիրը շահագործման հանձնելուց հետո Kempinski Hotel բրենդն իր վրա կվերցնի համալիրի luxury կառավարումը՝ «հինգ աստղի» մակարդակում
ԵՐԵՎԱՆ, 7 հուլիսի./ԱՌԿԱ/. Հայաստանում 2025թ.-ին Kempinski Hotel միջազգային բրենդի ներքո կբացվի Artlife Kempinski Residences Yerevan բազմաֆունկցիոնալ բնակելի համալիրը:
Ուրբաթ ասուլիսի ժամանակ «Renshin Urban Investment»-ի օպերացիոն տնօրեն Լևոն Կասպարովը հայտնեց, որ Kempinski Hotel-ի հետ ստորագրվել է համաձայնագիր Artlife բազմաֆունկցիոնալ բնակելի համալիրի նախագծի բրենդավորման մասին:
«Հայաստանում նման բրենդավորված համալիր չկա, իսկ ԱՊՀ-ում կա ընդամենը մեկ նման օբյեկտ: Բրենդավորված համալիրը միասնական ենթակառուցվածք է, հատված քաղաքում, որտեղ ծառայություններն ու ֆունկցիաները համապատասխանեցվում են միջազգային բրենդի չափորոշիչներին և որակին», - պարզաբանեց նա:
Կասպարովը նշեց, որ 2025թ.-ի սկզբին համալիրը շահագործման հանձնելուց հետո Kempinski Hotel բրենդն իր վրա կվերցնի համալիրի luxury կառավարումը՝ «հինգ աստղի» մակարդակում:
Նրա խոսքով, Հայաստանում բրենդավորված համալիրի ստեղծումը նոր նշաձող է, շինարարության, ժամանցի, ապրելակերպի և կառավարման չափորոշիչ:
«Հայաստանում այս բրենդավորված համալիրի առկայությունը որոշակի հրապարակայնություն կապահովի երկրի համար միջազգային շուկայում», - նշեց նա:
Կասպարովը «ԱՌԿԱ» գործակալության թղթակցին հայտնեց, որ նախագծի ընդհանուր ներդրումային բյուջեն կազմում է 80մլրդ դրամ (մոտ 207մլն դոլար), ֆինանսական գործընկերն է Արդշինբանկը:
Kempinski Hotel խմբի Կառավարման խորհրդի նախագահ, զարգացման գծով տնօրեն Քրիստոֆ Պիֆարետին իր հերթին ընդգծեց, որ Artlife-ը կդառնա Երևանում նոր կենսակերպի կենտրոն:
«Այդ համալիրում ապրող մարդիկ կկարողանան օգտվել հինգ աստղանի հյուրանոցի ողջ ենթակառուցվածքից ընտանեկան միջավայրում», - ասաց նա:
Պիֆարետին նշեց, որ 125-ամյա պատմություն ունեցող Kempinski ընկերությունն այսօր ունի 84 տարբեր համալիրներ աշխարհի տարբեր երկրներում, այդ թվում՝ 20 բնակելի համալիր:
«Renshin Urban Investment»-ի նախագծերի կառավարման բաժնի ղեկավար Անի Մավյանն ուշադրություն դարձրեց այն փաստին, որ համալիրի հասարակական գոտին բաց կլինի բոլորի համար, հնարավոր կլինի այցելել ռեստորաններ, սրճարաններ, բարեր, մշակույթի և արվեստի կենտրոններ և այլն:
«Համալիրում կլինի նաև ենթակառուցվածք դիզայնի, գեղեցկության և արվեստի ոլորտները զարգացնելու համար», - նշեց նա:
100 000քմ մակերեսով և 4 կորպուսներից բաղկացած բազմաֆունկցիոնալ համալիրը կկառուցվի Տերյան 107 հասցեում: Համալիրը կներառի 285 բնակարան, որոնց մեծ մասն արդեն վաճառված է: Այս պահին 1քմ-ի գինը վերանայվում է, քանի որ Kempinski-ն արդեն ներգրավված է գնագոյացման գործընթացում:-0-
Ուրբաթ ասուլիսի ժամանակ «Renshin Urban Investment»-ի օպերացիոն տնօրեն Լևոն Կասպարովը հայտնեց, որ Kempinski Hotel-ի հետ ստորագրվել է համաձայնագիր Artlife բազմաֆունկցիոնալ բնակելի համալիրի նախագծի բրենդավորման մասին:
«Հայաստանում նման բրենդավորված համալիր չկա, իսկ ԱՊՀ-ում կա ընդամենը մեկ նման օբյեկտ: Բրենդավորված համալիրը միասնական ենթակառուցվածք է, հատված քաղաքում, որտեղ ծառայություններն ու ֆունկցիաները համապատասխանեցվում են միջազգային բրենդի չափորոշիչներին և որակին», - պարզաբանեց նա:
Կասպարովը նշեց, որ 2025թ.-ի սկզբին համալիրը շահագործման հանձնելուց հետո Kempinski Hotel բրենդն իր վրա կվերցնի համալիրի luxury կառավարումը՝ «հինգ աստղի» մակարդակում:
Նրա խոսքով, Հայաստանում բրենդավորված համալիրի ստեղծումը նոր նշաձող է, շինարարության, ժամանցի, ապրելակերպի և կառավարման չափորոշիչ:
«Հայաստանում այս բրենդավորված համալիրի առկայությունը որոշակի հրապարակայնություն կապահովի երկրի համար միջազգային շուկայում», - նշեց նա:
Կասպարովը «ԱՌԿԱ» գործակալության թղթակցին հայտնեց, որ նախագծի ընդհանուր ներդրումային բյուջեն կազմում է 80մլրդ դրամ (մոտ 207մլն դոլար), ֆինանսական գործընկերն է Արդշինբանկը:
Kempinski Hotel խմբի Կառավարման խորհրդի նախագահ, զարգացման գծով տնօրեն Քրիստոֆ Պիֆարետին իր հերթին ընդգծեց, որ Artlife-ը կդառնա Երևանում նոր կենսակերպի կենտրոն:
«Այդ համալիրում ապրող մարդիկ կկարողանան օգտվել հինգ աստղանի հյուրանոցի ողջ ենթակառուցվածքից ընտանեկան միջավայրում», - ասաց նա:
Պիֆարետին նշեց, որ 125-ամյա պատմություն ունեցող Kempinski ընկերությունն այսօր ունի 84 տարբեր համալիրներ աշխարհի տարբեր երկրներում, այդ թվում՝ 20 բնակելի համալիր:
«Renshin Urban Investment»-ի նախագծերի կառավարման բաժնի ղեկավար Անի Մավյանն ուշադրություն դարձրեց այն փաստին, որ համալիրի հասարակական գոտին բաց կլինի բոլորի համար, հնարավոր կլինի այցելել ռեստորաններ, սրճարաններ, բարեր, մշակույթի և արվեստի կենտրոններ և այլն:
«Համալիրում կլինի նաև ենթակառուցվածք դիզայնի, գեղեցկության և արվեստի ոլորտները զարգացնելու համար», - նշեց նա:
100 000քմ մակերեսով և 4 կորպուսներից բաղկացած բազմաֆունկցիոնալ համալիրը կկառուցվի Տերյան 107 հասցեում: Համալիրը կներառի 285 բնակարան, որոնց մեծ մասն արդեն վաճառված է: Այս պահին 1քմ-ի գինը վերանայվում է, քանի որ Kempinski-ն արդեն ներգրավված է գնագոյացման գործընթացում:-0-
