Ամերիաբանկի մանրածախ վարկային պորտֆելը գերազանցել է 800 մլրդ դրամը
ԵՐԵՎԱՆ, 28 հուլիսի․/ԱՌԿԱ/․ Ամերիաբանկի մանրածախ վարկային պորտֆելը 2026 թ.-ի սկզբից աճել է 11%-ով և հունիսի 30-ի դրությամբ գերազանցել 800 մլրդ դրամը, հայտնել է Ամերիաբանկի մանրածախ բանկինգի գծով տնօրեն Արման Բարսեղյանը։
«Բանկի հիփոթեքային պորտֆելը նշված ժամանակահատվածում ավելացել է 12%-ով և առաջին անգամ գերազանցել 400 մլրդ դրամը։ Վերջին հինգ տարիների ընթացքում մեր վարկային պորտֆելն տարեկան միջինում աճել է 30%-ով»,- երեքշաբթի կայացած մամուլի ասուլիսի ժամանակ ասել է Բարսեղյանը։
Պատասխանելով «ԱՌԿԱ» գործակալության հարցին՝ նա հայտնել է, որ մանրածախ վարկային պորտֆելի հիմնական աճն ապահովել են հիփոթեքային և սպառողական վարկերը։
Բարսեղյանի խոսքով՝ խնդրահարույց վարկերի մասնաբաժինը շարունակում է մնալ չնչին։ Կոնկրետ ցուցանիշ նա չի նշել։
Մեկնաբանելով հիփոթեքային վարկավորման տեմպերի դանդաղումը՝ Բարսեղյանը հայտարարել է, որ դա խնդիր չի համարում, քանի որ Հայաստանում անշարժ գույքի ձեռքբերումը նախկինի պես մնում է գրավիչ։
Ամերիաբանկի մասին
Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը։ Թվային փոխակերպման ռազմավարության ներքո բանկը ներդնում և շարունակաբար կատարելագործում է շուկայում եզակի պրոդուկտներ, ծառայություններ և նորարարական հարթակներ, որոնք միտված են բավարարելու մարդկանց ֆինանսական և ոչ ֆինանսական կարիքները։ Ամերիաբանկը, որպես դինամիկ զարգացող ֆինտեք միջավայր, առաջարկում է կյանքի որակը բարելավող ամբողջական լուծումներ։
Բանկը վերահսկվում է ՀՀ Կենտրոնական բանկի կողմից։
