Ամերիաբանկն արժանացել է ԱԶԲ–ի «Լավագույն գործընկեր բանկ Հայաստանում» մրցանակին
ԵՐԵՎԱՆ, 5 սեպտեմբերի. /ԱՌԿԱ/. Ամերիաբանկն Ասիական Զարգացման բանկի կողմից արժանացել է Առևտրի ֆինանսավորման գծով 2018թ. «Լավագույն գործընկեր բանկ Հայաստանում» մրցանակին, հայտնում է Ամերիաբանկի մամուլի ծառայությունը։
Ինչպես նշվում է հաղորդագրությունում, մրցանակաբաշխությունը տեղի է ունեցել Սինգապուրում, ԱԶԲ-ի կազմակերպած հանդիսավոր ընթրիքի ժամանակ, որին հյուրընկալվել է աշխարհի տարբեր երկրների բանկերից ու ֆինանսական կառույցներից ավելի քան 200 ներկայացուցիչ:
Մրցանակաբաշխությանը մասնակցել են Ամերիաբանկի Կորպորատիվ դեպարտամենտի Առևտրի ֆինանսավորման վարչության ղեկավար Սուրեն Քոչարյանը և գլխավոր մասնագետ Տաթև Հակոբյանը:
Մրցանակները շնորհվել են աշխարհի 15 երկրների թվով 23 գործընկեր բանկերի:
«Ամերիաբանկ» ՓԲԸ Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին. 2007թ-ից տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Լրացուցիչ տեղեկությունների համար կարող եք այցելել www.ameriabank.am:-0-
