Ավելի քան 35 հազար գյուղացիներ արդեն օգտվել են արտոնյալ գյուղատնտեսական վարկերից. նախարար
24.08.2012,
17:29
Շուրջ 35 600 գյուղացիներ արդեն օգտվել են արտոնյալ գյուղատնտեսական վարկերից, ուրբաթ լրագրողներին հայտնեց ՀՀ գյուղանտեսության նախարար Սերգո Կարապետյանը:
ԵՐԵՎԱՆ, 24 օգոստոսի. /ԱՌԿԱ/. Շուրջ 35 600 գյուղացիներ արդեն օգտվել են արտոնյալ գյուղատնտեսական վարկերից, ուրբաթ լրագրողներին հայտնեց ՀՀ գյուղանտեսության նախարար Սերգո Կարապետյանը:
Կառավարության որոշմամբ՝ 2011թ.-ի ապրիլի 1-ից հայ գյուղացիներին տարեկան 14 տոկոս դրույքով արտոնյալ գյուղատնտեսական վարկեր են հատկացվում, որից 4 տոկոսը պետությունն է սուբսիդացնում: Նպաստների գումարը կազմել է 200 մլն դրամ: Վարկերը հատկացվում են հայկական դրամով, վարկի միջին չափը կազմում է 625 հազար դրամ:
«Արդեն սեպտեմբերից գյուղացիներին կհատկացվեն 7,5 մլրդ դրամ ընդհանուր գումարի չափով արտոնյալ վարկեր, և տվյալ ծրագիրը շարունակական բնույթ կկրի»,- «Նովոստի» միջազգային մամուլի կենտրոնում մամուլի ասուլիսի ժամանակ ասաց նա:
Ըստ նրա՝ բացառված չէ, որ հետագայում կարող են վերանայվել վարկերի տրամադրման պայմանները՝ գյուղացիական տնտեսությունների համար դրանց հասանելիությունը բարձրացնելու նպատակով: -0-
