Այս տարվա առաջին 9-ը ամիսներին ՀՀ-ում հայտնաբերվել է 325 մլրդ դրամի ստվերային շրջանառություն. ՊԵԿ
ԵՐԵՎԱՆ, 24 հոկտեմբեր․/ԱՌԿԱ/. ՊԵԿ նախագահ Էդուարդ Հակոբյանի խոսքով՝ այս տարվա առաջին ինը ամիսներին ՀՀ-ում հայտնաբերվել է մոտ 325 մլրդ դրամի ստվերային շրջանառություն, ինչը 97%-ով ավելի է 2024 թ.-ի նույն ժամանակահատվածի համեմատ։
««Թաքնված» հարկերի ծավալը կազմել է 108 մլրդ դրամ (52%-ով ավելի)», - ուրբաթ կայացած մամուլի ասուլիսում ասել է նա՝ հավելելով, որ այս տվյալները բացահայտվել են թվային գործիքների միջոցով։
Հակոբյանը նշել է, որ ՀՀ-ում ստվերային հարկային եկամուտները առավել կենտրոնացած են շինարարության և առևտրի ոլորտներում։
Ընդհանուր առմամբ, նրա խոսքով, Հայաստանում ստվերային տնտեսության դեմ պայքարն իրականացվում է մի քանի եղանակներով։
«Հաշվարկային փաստաթղթերով ուղեկցված գործարքների իրացման շրջանառությունն աճել է 15%-ով, իսկ դրանց դուրսգրման քանակը՝ 17%-ով։ Մանրածախ առևտրի և ծառայությունների շրջանակում անկանխիկ վճարումների քանակը աճել է 55%-ով, իսկ գումարը՝ 32%-ով։ Հայտնաբերվել է մոտ 2000 չգրանցված աշխատող, ինչը 28%-ով ավելի է նախորդ տարվա նույն ժամանակահատվածի համեմատ», - ուրբաթ կայացած մամուլի ասուլիսում ասել է Հակոբյանը։
Նա հայտնել է, որ օպերատիվ-հետախուզական գործողությունների քանակը նախորդ տարվա նույն ժամանակահատվածի համեմատ նվազել է 25%-ով, սակայն թիրախավորումը մեծացել է։
2025 թ.-ի մայիսին Հակոբյանը ներքին տնտեսությունում «ստվերային» եկամուտների մակարդակը գնահատել է 20%:
ՀՀ ՊԵԿ և Ֆինանսների նախարարությունը «ստվերային» շրջանառության մակարդակը գնահատում են 200-300 մլրդ դրամ, մինչդեռ մի քանի տարի առաջ այս թվերը երկու-երեք անգամ ավելի բարձր էին։
