Կենսաթոշակառուներն իրենց քարտերը կստանան անվճար առաքմամբ․ IDBank
ԵՐԵՎԱՆ, 28 ապրիլի./ԱՌԿԱ/. Հաշվի առնելով այն հանգամանքը, որ կորոնավիրուսային վարակը հատկապես վտանգավոր է տարեցների համար` կենսաթոշակառուներն այլևս ստիպված չեն լինի այցելել Բանկ իրենց կենսաթոշակային քարտերը ստանալու համար։ Այս մասին հայտնում է բանկի մամուլի ծառայությունը:
«Կենսաթոշակառուների քարտերը ՀՀ ամբողջ տարածքում կառաքվեն անվճար և քարտապաններին կհանձնվեն՝ պահպանելով անվտանգության բոլոր նորմերն ու առողջապահության նախարարության ցուցումները»,- նշվում է բանկի հաղորդագրության մեջ։
Բանկից հայտնում են, որ առաքումն իրականացնելիս պահպանվում են տեղեկատվական անվտանգության բոլոր չափանիշները։ Մեր սիրելի կենսաթոշակառու հաճախորդներին անհրաժեշտ է միայն ձեռքի տակ ունենալ անձնագիր։
«Հիշեցնենք՝ Բանկը, հետևելով պարետի ցուցումներին, ամբողջ օրվա ընթացքում և հատկապես ժամը 10։00-12։00-ը 60 տարեկանից բարձր անձանց սպասարկում է արտահերթ՝ նրանց առողջությունը չվտանգելու համար»,- հաղորդում են բանկից:
Հոգ տանելով բոլոր հաճախորդների մասին՝ Բանկը խորհուրդ է տալիս բանկային գործարքներն իրականացնել հեռավար եղանակով՝ IDBank-ի և Idram-ի համատեղ հարթակով՝ IDBanking.am-ի, Idram հավելվածի միջոցով, իսկ կանխիկով գործարքների համար օգտվել IDBanking 24/7 գոտիներից։
Հեռահար սպասարկումից օգտվելու հարցում օգնե՛նք նաև տարեցներին։
Idram հավելվածը ներբեռնեք այստեղ:
Հարթակի բոլոր առավելություններից օգտվելու համար անցեք արագ սինքրոնացում։
IDBank-ը հիմնադրվել է 1990թ․ օգոստոսի 1-ին: 1996 թ. հոկտեմբերից գործում է որպես փայատիրական կոմերցիոն բանկ։ Բանկի բաժնետերերն են Կիպրոսի FISTOCO LTD ընկերությունը` 59.68 տոկոս բաժնեմասով, եւ Լիբանանի CreditBank S.A.L բանկը` 40.32 տոկոս բաժնեմասով: Անուղղակի մեծամասնական բաժնետերերն են ֆիզիկական անձինք` Վարտան Դիլանյանը (FISTOCO LTD) և Թարեք Խալիֆեն (CreditBank S.A.L):
Բանկը մշտապես ընդլայնում է մատուցվող ծառայությունների ցանկն ու կատարելագործում վերջիններիս որակը: IDBank-ն իր հաճախորդներին է առաջարկում նորարար թվային լուծումներ և շարունակաբար բարելավում մասնաճյուղային ցանցը։ Բանկի տեսլականն է՝ դառնալ առաջատար բանկ ՀՀ ֆինանսական համակարգում` հաճախորդներին տրամադրելով անհատական մոտեցմամբ արդիական թվային լուծումներ։-0-
