Հայաստանի նախկին նախագահ Քոչարյանը նորից կընտրվի «Սիստեմա» ԲՖԿ Տնօրենների խորհրդի անդամ

Հունիսի 30-ին բաժնետերերի ժողովի ժամանակ քվեարկության համար թեկնածուների ցուցակում 13 թեկնածու է, նույնքան տեղ կլինի տնօրենների նոր խորհրդում:

Մյուս թեկնածուներն են՝ KPMG նախկին նախագահ Ռոջեր Մանինգսը, Alcatel հեռահաղորդակցական ընկերության նախկին ղեկավար Սերժ Չուչուկը, «Վիմ-Բիլ-Դանա»-ի համահիմնադիր Դավիթ Յակոբաշվիլին, ԲՖԿ հիմնադիր և խոշոր բաժնետեր Վլադիմիր Եվտուշենկովը, ԲՖԿ համատերեր  Ալեքսանդր Գոնչարուկը, Դմիտրի Զուբովը, Վյաչեսլավ Կոպյովը և Եվգենի Նովիցկին, «Սիստեմայի» նախագահ Միխայիլ Շամոլինը:

Խորհրդում «նորեկներն» են՝ Investcorp-ի նախկին կառավարիչ տնօրեն Բրայան Դիկկին, Լյուքսեմբուրգի էկոնոմիկայի նախկին նախարար Ժանո Կրեկեն և Barclays Capital-ի փոխնախագահ Մարկ Հոլցմանը: 

Քոչարյանը Տնօրենների խորհրդի անդամ է և «Սիստեմա» ԲՖԿ բաժնետեր՝ 0,0009% մասնաբաժնով:--0--