Սիգ որսալը կթանկանա․ ՀՀ–ում մտադիր են բարձրացնել պետական տուրքը

ԵՐԵՎԱՆ, 5 մարտի․/ԱՌԿԱ/․ ՀՀ ԱԺ–ն առաջին ընթերցմամբ հավանություն է տվել հարկային օրենսգրքում փոփոխություններ կատարելու նախագծին, համաձայն որի՝ առաջարկվում է կրկնապատկել բնապահպանական վճարները, իսկ սիգի որսի համար՝ երեք անգամ։

Այս պահին սիգ որսալու տուրքը կազմում է 65 դրամ 1 կիլոգրամի համար, իսկ այլ տեսակի ձկների որսի համար՝ 50 դրամ։ Նոր նախագծով առաջարկվում է սիգի որսի տուրքը դարձնել 200 դրամ։

Ինչպես ավելի վաղ հայտարարել է Հայաստանի շրջակա միջավայրի նախարար Հակոբ Սիմիդյանը, ներկայումս սիգի գները կարգավորել չի հաջողվում, քանի որ գոյություն ունի սև շուկա, որտեղ գրանցված են անգամ դեպքեր, երբ մեկ կիլոգրամը վաճառվում է 150 դրամով։ Նրա խոսքով՝ ձեռնարկվում են քայլեր՝ այս շուկան ստվերից դուրս բերելու համար։