Wildberries–ը միջնորդավճար է սահմանել Visa և Mastercard քարտերով ապրանք գնելու դեպքում
ԵՐԵՎԱՆ, 12 հոկտեմբերի./ԱՌԿԱ/. Հոկտեմբերի 9-ից Ռուսաստանի առաջատար Wildberries մարքեթփլեյսը միջնորդավճար է սահմանել Visa և Mastercard միջազգային վճարային համակարգերի քարտերով ապրանք գնելու դեպքում, միջնորդավճարը կկազմի գնման արժեքի 3%-ի չափով:
Այս մասին «Վեդոմոստի»-ին հայտնել է ընկերությանը մոտ կանգնած աղբյուրը։ Տեղեկությունը հաստատել է Wildberries-ի ֆինանսական և վճարային ծառայությունների զարգացման գծով տնօրեն Դմիտրի Կոլեսնիկովը։
Նրա խոսքով, խոսքը նման վճարում մշակող բանկի վարձատրության մասին է։
Վճարման պայմանների փոփոխությունը պայմանավորված է այդ քարտերով վճարումների ընդունման գործառնական և տեխնոլոգիական գործընթացի առանձնահատկություններով, պարզաբանել է Կոլեսնիկովը։
Ներկայումս Wildberries-ը հնարավորություն չունի ուղղակիորեն մշակել Ռուսաստանում թողարկված Visa և Mastercard քարտերով կատարված գործարքները, ասել է նա։
Կանխավճարային հիմունքներով պատվեր կատարելիս, ինչպես նաև հետվճարային հիմունքներով վճարելիս հաճախորդները կարող են ընտրել այլընտրանքային վճարման տարբերակներ, որոնք չեն ենթադրում նման միջնորդավճար, օրինակ՝ «Мир» քարտերը, Արագ վճարման համակարգը, SberPay–ը (որտեղ կա վճարման տարբերակ Visa և Mastercard քարտապանների համար), նշել է Կոլեսնիկովը։
Wildberries-ի բացատրությունը չափազանց կասկածելի է, ասում է Pen & Paper փաստաբանների կոլեգիայի գործընկեր Ռոման Պարխոմենկոն, քանի որ Visa-ի և Mastercard-ի միջոցով վճարումների հաշվարկները կատարվում են Վճարային քարտերի ազգային համակարգի միջոցով, այսինքն՝ Ռուսաստանի տարածքում:
Մարքեթփլեյսի համար Visa, Mastercard կամ «Мир» քարտերի միջոցով իրականացվող գործարքների միջև տարբերություն չպետք է լինի, նշում է «Ռուստամ Կուրմաև և գործընկերները» ընկերության գործընկեր Դմիտրի Գորբունովը։
Թվում է, թե հարթակը պարզապես փորձում է էկվայրինգի ծախսերը տեղափոխել սպառողի վրա, ավելացրել է Պարխոմենկոն։
Բայց նույնիսկ եթե միջազգային վճարային համակարգերի քարտերով վճարումներ ընդունելն իսկապես ավելի մեծ բեռ է Wildberries-ի համար, քան, օրինակ, «Мир» քարտերի դեպքում, դա դեռևս իրավական հիմք չէ լրացուցիչ միջնորդավճարի ներդրման համար, ավելացնում է նա: Նման պրակտիկայի համար Wildberries-ը կարող է ենթարկվել վարչական պատասխանատվության և տուգանվել 30,000-ից մինչև 50,000 ռուբլով, ասում է Պարխոմենկոն:
Բայց երբ անցյալ անգամ Wildberries-ը նմանատիպ վճար էր ներդրել, Ռոսպոտրեբնադզորը պարզաբանել էր, որ մարքեթփլեյսի կողմից խախտումներ չեն եղել, և սպառողների իրավունքներն այս դեպքում չեն խախտվել, նշում է «Գրիշին, Պավլովա և գործընկերներ» ընկերության փաստաբան Վլադիսլավ Իվաշչենկոն։ Հավանաբար, այդ ժամանակվանից ի վեր գերատեսչության դիրքորոշումը չի փոխվել և խտրականություն չկա, նշել է փաստաբանը։–0–