Յունիբանկի «Վանաձոր» մասնաճյուղը գործում է նոր հասցեում
06.03.2025,
17:04
Մասնաճյուղում տեղադրված է նաև վճարային տերմինալ՝ բանկային գործարքներն ինքնուրույն կատարելու համար
ԵՐԵՎԱՆ, 6 մարտի․/ԱՌԿԱ/․ Յունիբանկի «Վանաձոր» մասնաճյուղն այսուհետ կգործի Վանաձոր, Գրիգոր Լուսավորչի 38/3 հասցեում: ժամանակակից դիզայնով ավելի ընդարձակ և հարմարավետ տարածքը հնարավորություն է տալիս ապահովելու մեծ թվով հաճախորդների արագ և բարձրակարգ սպասարկումը, հաղորդում է Յունիբանկի մամուլի ծառայությունը։
Մասնաճյուղում տեղադրված է նաև վճարային տերմինալ՝ բանկային գործարքներն ինքնուրույն կատարելու համար:
Մոբայլ հավելվածների զարգացմանը զուգահեռ՝ Յունիբանկը շարունակաբար արդիականացնում է իր մասնաճյուղային ցանցը՝ բանկային ծառայությունների հասանելիությունը մեծացնելու և հաճախորդներին իրենց համար նախընտրելի տարբերակով սպասարկում առաջարկելու համար:
