ՀՀ–ում օգոստոսին 12–ամսյա գնաճը կազմել է 3,6%, ամսվա կտրվածքով գներն աճել են 0,2%–ով
ԵՐԵՎԱՆ, 4 սեպտեմբերի․/ԱՌԿԱ/․ 2025 թվականի օգոստոսին, 2024 թվականի օգոստոսի համեմատ, Հայաստանում գնաճը կազմել է 3.6%, իսկ ամսվա կտրվածքով՝ 0.2%: Այս մասին վկայում են Հայաստանի Ազգային վիճակագրական կոմիտեի (ԱՎԿ) հաշվետվության տվյալները:
ԱՎԿ–ի տվյալներով՝ 2025 թվականի օգոստոսին, 2024 թվականի օգոստոսի համեմատ, սննդամթերքի և ոչ ալկոհոլային խմիչքների գները աճել են 4.9%-ով և ամսվա ընթացքում մնացել են անփոփոխ։
Ալկոհոլային խմիչքների և ծխախոտի գները օգոստոսին տարեկան կտրվածքով աճել են 6.6%-ով, իսկ այս տարվա հուլիսի համեմատ՝ 0.2%-ով։ Հագուստի և կոշիկի գները 2024 թվականի օգոստոսին աճել են 0.1%-ով (ամսական աճ՝ 0.4%), իսկ կոմունալ ծառայությունների գները՝ 0.5%-ով (ամսական աճ՝ 0.7%)։ Տնտեսական ապրանքների, կենցաղային տեխնիկայի և բնակարանների ամենօրյա սպասարկման ապրանքների գները օգոստոսին տարեկան կտրվածքով աճել են 2.7%-ով, իսկ ամսվա կտրվածքով՝ 0.6%-ով։
Օգոստոսին առողջապահության ոլորտում գների աճը տարեկան կտրվածքով կազմել է 3.7% (ամսական 0.1% աճ), տրանսպորտի ոլորտում՝ 6% (ամսական 0.5% աճ), կապի ոլորտում օգոստոսին գները տարեկան կտրվածքով չեն փոխվել (ամսական 0.3% աճ), ժամանցի և մշակույթի ոլորտում՝ 2.1%–ի աճ (ամսական 0.5% անկում), կրթության ոլորտում՝ 7.8% (0%), ռեստորանային և հյուրանոցային ոլորտներում՝ 2.1% (ամսական 0.3% աճ), իսկ տարբեր ապրանքների և ծառայությունների մասով օգոստոսին գները տարեկան կտրվածքով աճել են 1.2%-ով (ամսական 0.1% անկում):
Միաժամանակ, վիճակագրության համաձայն, ոչ պարենային ապրանքների շուկայում այս տարվա օգոստոսին, նախորդ տարվա օգոստոսի համեմատ, գներն աճել են 1.1%-ով, իսկ նույն թվականի հուլիսի համեմատ՝ 0.4%-ով։
Բացի այդ, բնակչության համար ծառայությունների սակագների աճը 2025 թվականի օգոստոսին կազմել է տարեկան 3.2% և ամսական 0.3% ։
2025 թվականի պետական բյուջեում Հայաստանի տնտեսական աճը նախատեսված է 5.1%: Ըստ Կենտրոնական բանկի, այս տարվա երկրորդ եռամսյակի դրամավարկային քաղաքականության զեկույցի՝ 2025 թվականի վերջին Հայաստանի ՀՆԱ-ի աճը կանխատեսվում է 5.1-4.6%՝ կախված սցենարից (A-B), 2026 թվականին՝ 4.9-4.4%, 2027 թվականին՝ 4.7-5%:
