90 մլն եվրո արժեքով Վեդիի ջրամբարի կառուցման աշխատանքները կավարտվեն այս տարի․ վարչապետ (ՎԻԴԵՈ)
22.08.2024,
11:33
Ջրամբարի տարողությունը 29 մլն խմ է: Ջրամբարի իշխման տակ են գտնվում ավելի քան 3220 հա ոռոգելի հողատարածքներ․ ՎԻԴԵՈ
ԵՐԵՎԱՆ, 22 օգոստոսի․/ԱՌԿԱ/․ Վեդիի ջրամբարի կառուցման աշխատանքներն այս տարի կավարտվեն, ծրագրի ընդհանուր արժեքը 90 մլն եվրո է, հայտարարել է ՀՀ վարչապետ Նիկոլ Փաշինյանը։
«Ջրամբարի տարողությունը 29 մլն խմ է: Ջրամբարի իշխման տակ են գտնվում ավելի քան 3220 հա ոռոգելի հողատարածքներ», – գրել է Փաշինյանը Facebook–յան իր էջում։
Հայաստանի Արարատի մարզում՝ Վեդի գետի աջ ափին, կառուցվում է Վեդինի ջրամբարը՝ 29,4 մլն խմ ծավալով։ Նախագիծն ավելի քան 80%-ով ֆինանսավորվում է Զարգացման ֆրանսիական գործակալության կողմից։
Մեխանիկական ոռոգումից ինքնահոսին անցնելու շնորհիվ տարեկան կխնայվի մոտ 19 մլն կՎտ/ժ էլեկտրաէներգիա, իսկ ոռոգման նպատակով Սևանա լճից ջրառի կարիքը կկրճատվի 18 մլն խմ-ով։
