Արմեն Գրիգորյանը ԱՄՆ Առևտրի դեպարտամենտի ներկայացուցչի հետ քննարկել է Հայաստանի և ԱՄՆ առևտրատնտեսական կապերի ընդլայնումը
11.07.2023,
11:52
Հուլիսի 10-ին ՀՀ ԱԽ քարտուղար Արմեն Գրիգորյանը հանդիպել է ԱՄՆ Առևտրի դեպարտամենտի արտահանման կառավարման գծով քարտուղարի օգնական Թեա Քենդլերի հետ
ԵՐԵՎԱՆ, 11 հուլիսի./ԱՌԿԱ/. Հուլիսի 10-ին ՀՀ ԱԽ քարտուղար Արմեն Գրիգորյանը հանդիպել է ԱՄՆ Առևտրի դեպարտամենտի արտահանման կառավարման գծով քարտուղարի օգնական Թեա Քենդլերի հետ:
Այս մասին հայտնել է Գրիգորյանը Facebook–յան իր էջում։
«Մտքեր ենք փոխանակել Հայաստանի և ԱՄՆ-ի միջև առևտրատնտեսական կապերի ընդլայնման և խորացման, փոխգործակցության խթանման ու ամրապնդման հնարավորությունների շուրջ, մասնավորապես՝ երկկողմ առևտրային ներդրումների, գործարար միջավայրի բարելավման համատեքստում», – նշել է Գրիգորյանը:
Քննարկվել են նաև երկկողմ հետաքրքրություն ներկայացնող այլ հարցեր:
Ինչպես հաղորդում է ՀՀ ազգային վիճակագրական ծառայությունը, Հայաստանի արտաքին և փոխադարձ առևտրի համախառն ծավալը 2023թ.–ի հունվար–մայիսին, 2022թ.–ի նույն ժամանակահատվածի համեմատ, ավելացել է 86,9%–ով և կազմել մոտ 7,34մլրդ դոլար։ Մասնավորապես, ԱՄՆ–ի հետ այն կազմել է շուրջ 307.95մլն դոլար, աճը` 2,4 անգամ։–0–
Այս մասին հայտնել է Գրիգորյանը Facebook–յան իր էջում։
«Մտքեր ենք փոխանակել Հայաստանի և ԱՄՆ-ի միջև առևտրատնտեսական կապերի ընդլայնման և խորացման, փոխգործակցության խթանման ու ամրապնդման հնարավորությունների շուրջ, մասնավորապես՝ երկկողմ առևտրային ներդրումների, գործարար միջավայրի բարելավման համատեքստում», – նշել է Գրիգորյանը:
Քննարկվել են նաև երկկողմ հետաքրքրություն ներկայացնող այլ հարցեր:
Ինչպես հաղորդում է ՀՀ ազգային վիճակագրական ծառայությունը, Հայաստանի արտաքին և փոխադարձ առևտրի համախառն ծավալը 2023թ.–ի հունվար–մայիսին, 2022թ.–ի նույն ժամանակահատվածի համեմատ, ավելացել է 86,9%–ով և կազմել մոտ 7,34մլրդ դոլար։ Մասնավորապես, ԱՄՆ–ի հետ այն կազմել է շուրջ 307.95մլն դոլար, աճը` 2,4 անգամ։–0–
