Էկոնոմիկայի նախարարությունը պատրաստ է շարունակել փոխգործակցությունը «Ամբեր Կապիտալ» ընկերության հետ՝ ՀՀ–ի ներդրումային աճը խթանելու համար

ԵՐԵՎԱՆ, 2 ապրիլի․/ԱՌԿԱ/․ ՀՀ էկոնոմիկայի նախարար Գևորգ Պապոյանն ընդունել է «Ամբեր Կապիտալ» ընկերության ներկայացուցիչներին, հաղորդում է նախարարության մամուլի ծառայությունը։

Ընկերության գործադիր տնօրեն Անուշավան Սիմոնյանը ներկայացրել է «Ամբեր Կապիտալ» ընկերության կողմից կառավարվող ԵՄ-Հայաստան ՓՄՁ ֆոնդի գործունեությունը, ներդրումային քաղաքականությունը և իրականացված ներդրումները։

Անդրադարձ է կատարվել ֆոնդի գործունեության համար հետաքրքրական ոլորտներին (գյուղատնտեսություն, վերականգնվող էներգետիկա և այլն)։

Նախարարը կարևորել է ներդրումային ֆոնդի գործունեությունը Հայաստանի կապիտալի շուկայի զարգացման և լավ կորպորատիվ կառավարման մշակույթի ներդրման համատեքստում պատրաստակամություն հայտնել շարունակել փոխգործակցությունը՝ նպաստելով Հայաստանի Հանրապետությունում ներդրումների աճի խթանմանը:

ԵՄ-Հայաստան ՓՄՁ հիմնադրամը, որը կառավարվում է Ամբեր Կապիտալի կողմից, մասնավոր բաժնետիրական հիմնադրամ է, որը գործարկվել է Հայաստանում 2020 թվականի հունվարին Եվրոպական միության (ԵՄ), Վերակառուցման և զարգացման եվրոպական բանկի (ՎԶԵԲ), Amundi-ACBA Asset Management–ի, «Հրայր և Աննա Հովակիմյան» հիմնադրամի և Ամբեր Կապիտալ ներդրումային թիմի ներդրումների միջոցով։ Հետագայում նա լրացուցիչ կապիտալ ներգրավեց Ազգային հետաքրքրությունների հայկական հիմնադրամից, C-Quadrat Ampega Asset Management-ից, Ձեռնարկատիրության զարգացման հոլանդական բանկից (FMO) և Հայաստանի կառավարությունից, ինչպես նաև մի շարք սփյուռքահայ ներդրողներից՝ հասցնելով ընդհանուր ներգրավված կապիտալը մինչև 60 մլն դոլարի։ Հիմնադրամի պարտավորությունները ներառում են հայկական ՓՄՁ-ների կայուն աճի ֆինանսավորում կապիտալում իրականացվող ներդրումների և բնապահպանական, սոցիալական և կորպորատիվ կառավարման բարձր չափանիշների ներդրման միջոցով -0-