Հայաստանում հոկտեմբերին գրանցվել է 0,6%–անոց գնաճ, ամսվա ընթացքում՝ 0,3%

ԵՐԵՎԱՆ, 5 նոյեմբերի․/ԱՌԿԱ/․ Հայաստանում 2024 թվականի հոկտեմբերին, 2023 թվականի հոկտեմբերի համեմատ, արձանագրվել է 0.6% գնաճ, իսկ ամսվա կտրվածքով՝ 0.3% գնաճ։ Այս մասին են վկայում Հայաստանի Ազգային վիճակագրական կոմիտեի (ԱՎԿ) հաշվետվության տվյալները։

Ըստ ԱՎԿ տվյալների՝ 2024 թվականի հոկտեմբերին, 2023 թվականի հոկտեմբերի համեմատ, պարենային ապրանքների և ոչ ալկոհոլային խմիչքների գները նվազել են 0,5%-ով, իսկ ամսվա կտրվածքով աճել են 0,9%-ով։

Ալկոհոլն ու ծխախոտը հոկտեմբերին մեկ տարվա ընթացքում թանկացել են 3,9%-ով, իսկ այս տարվա սեպտեմբերի համեմատ՝ 0,2%-ով։ Հագուստի և կոշիկի գները 2024 թվականի հոկտեմբերին նվազել են 2,7%-ով (ամսվա կտրվածքով՝ 1,9%)։ Կոմունալ ծառայությունների ոլորտում հոկտեմբերին, հոկտեմբերի համեմատ, գնաճը կազմել է 0%, իսկ սեպտեմբերին գները նվազել են 0,9%-ով։ Կենցաղային օգտագործման ապրանքների, կենցաղային տեխնիկայի և բնակարանների ամենօրյա խնամքի ապրանքների գները հոկտեմբերին, հոկտեմբերի համեմատ, նվազել են 2,9%-ով, իսկ ամսվա կտրվածքով աճել են 1,2%-ով։

Առողջապահության ոլորտում հոկտեմբերին գների աճը տարվա կտրվածքով կազմել է 2,2% (սեպտեմբերի համեմատ՝ 0,2%), տրանսպորտի ոլորտում գրանցվել է 6,8% աճ (ամսվա կտրվածքով՝ 0,9%–ի անկում), կապի ոլորտում աճը կազմել է 0,4% (ամսվա ընթացքում՝ ՝ 0,1%-ի անկում), հանգստի և մշակույթի ոլորտում՝ 0,6%-ի աճ (ամսվա ընթացքում՝ 0,8%), կրթության ոլորտում աճը կազմել է 7,8% (ամսվա ընթացքում՝ 0%), ռեստորանային և հյուրանոցային ոլորտներում՝ 1,9%–ի աճ (անկումը՝ 0,2%), իսկ տարբեր ապրանքների և ծառայությունների գծով հոկտեմբերին գները մեկ տարվա ընթացքում նվազել են 1,3%-ով (ամսվա ընթացքում՝ 0,4%–ի աճ)։

Միաժամանակ, վիճակագրական տվյալների համաձայն, ոչ պարենային ապրանքների շուկայում 2024 թվականի հոկտեմբերին, 2023 թվականի հոկտեմբերի համեմատ, գները նվազել են 2,1 տոկոսով, իսկ այս տարվա սեպտեմբերի համեմատ աճել են 0,4 տոկոսով։

Բացի այդ, բնակչության համար ծառայությունների սակագների աճը 2024 թվականի հոկտեմբերին տարվա կտրվածքով կազմել է 3,3%, իսկ ամսվա կտրվածքով գրանցվել է 0,4%–ի անկում։