Կոնյակի արտադրությունը Հայաստանում հունվարին աճել է 4.3 %` մինչև 895.9 հազ. լիտր

ԵՐԵՎԱՆ, 28 փետրվարի. /ԱՌԿԱ/. Հայաստանում արտադրված կոնյակի ծավալը 2014 թվականի հունվարին, 2013 թվականի հունվարի, համեմատ աճել է 4.3 տոկոսով` կազմելով 859.9 հազար լիտր, հայտնում է Ազգային վիճակագրական ծառայությունը։

Միաժամանակ, այս տարվա հունվարին գրանցվել է գինու արտադրության աճ 23.5 տոկոսով` մինչև 361.5 հազար լիտր 2013 թվականի հունվարի համեմատ։

Օղու արտադրությունն աճել է 33.2 տոկոսով և կազմել է 727.1 հազար լիտր։

Մեկ ամսվա ընթացքում շամպայնի արտադրությունը կազմել է 21.5 հազար լիտր (աճել է 4.6 անգամ)։ Բացի այդ, հաշվետու ժամանակահատվածում արտադրվել է 731.9 հազար լիտր գարեջուր (աճը` 69.3 տոկոս)։

Ոչ ոգելից խմիչքի արտադրությունը կազմել է մոտ 2.7 մլն լիտր, ինչը 28.2 տոկոսով ավելի է, քան 2013 թվականի հունվարին։ -0-