Հայաստանում անօդաչու սարքերի ստեղծումը հեռանկարային ուղղություն է. Պողոսյան

ԵՐԵՎԱՆ, 20 ապրիլի. /ԱՌԿԱ/.  Հայաստանում անօդաչու սարքի ստեղծումը հեռանկարային ուղղություն է, կարծում է «Միավորված ավիատրանսպորտային կորպորացիայի» նախագահ Միխայիլ Պողոսյանը:  

«Ես այս խնդիրը մանրամասն չեմ ուսումնասիրել և պատրաստ չեմ որևէ գնահատական տալ: Սակայն անօդաչու սարքեր ստեղծելու ուղղվածությունը հեռանկարային է, և կարծում եմ, որ եթե կա որևէ տեսակի ռազմավարության զարգացման ձևավորման և զարգացման միտում, ապա կա նաև այդ ուղղությամբ աշխատելու իմաստ»,- ասաց նա` պատասխանելով «ԱՌԿԱ» գործակալության թղթակցի հարցին:

Միաժամանակ նա նշեց, որ ծանոթ չէ հայկական անօդաչու սարքերի արտադրության զարգացման ռազմավարությանը:

«Որևէ առանձին սարքի ստեղծումը մեծ հեռանկարներ չի տալիս. պետք է երկարաժամկետ շարք թողարկել: Միայն այդ դեպքում կարելի է հաջողության հասնել»,- ընդգծել է նա:
 
Հայկական արտադրության «Կռունկ» անօդաչու սարքերն առաջին անգամ ցուցադրվել են Հայաստանի անկախության 20 ամյակին նվիրված ռազմական շքերթի ժամանակ:

Օդային հետախուզություն ապահովող անօդաչու սարքերի պատրաստման համար մի քանի տարի է պահանջվել:--0—