ԱՄԷ–ն հետաքրքրված է ներդրումներով ՀՀ գյուղատնտեսության ոլորտում
05.09.2017,
19:28
Արաբական Միացյալ Էմիրությունները հետաքրքրված են ներդրումներով ՀՀ գյուղատնտեսության ոլորտում։
ԵՐԵՎԱՆ, 5 սեպտեմբերի. /ԱՌԿԱ/. Արաբական Միացյալ Էմիրությունները հետաքրքրված են ներդրումներով ՀՀ գյուղատնտեսության ոլորտում։
Այս մասին հայտարարեց ՀՀ տնտեսական զարգացման և ներդրումների փոխնախարար Հովհաննես Ազիզյանը ՀՀ ԱԺ տնտեսական հարցերի հանձնաժողովի նիստի ժամանակ։
Նա նաև նշեց, որ ԱՄԷ–ն Հայաստանի տնտեսության մեջ կատարել է շուրջ 30 մլն դոլարի ներդրում։ Փոխնախարարի խոսքով, մինչև 2016 թ.–ի վերջ ներդրումները կազմել են 28,4 մլն դոլար, իսկ 2017 թ.–ի սկզբից` միայն 1,2 մլն դոլար։
«Ներդրումները հիմնականում իրականացվել են գյուղատնտեսական ոլորտում։ Այդ միջոցներով նախատեսված է հիմնել նոր ինտենսիվ պտղատու այգիներ», – ընդգծեց Ազիզյանը։–0–