«Արմավիան» սկսել է թռիչքներ իրականացնել դեպի Միլան
ԵՐԵՎԱՆ, 20 ապրիլի. /ԱՌԿԱ/. Հայաստանի ազգային ավիափոխադրող «Արմավիա» ավիաընկերությունը սկսել է թռիչքներ իրականացնել դեպի Միլան, հայտնում է ընկերության մամուլի ծառայությունը:
Չվերթը կիրականացվի հինգշաբթի օրերին Sukhoi Superjet 100 օդանավերով, որը մեկ տարի է, ինչ շահագործվում է «Արմավիա» ավիաընկերության կողմից: Առաջին չվերթն իրականացվել է ապրիլի 19-ին:
Սա դեպի Իտալիայի քաղաքներ արդեն երրորդ ուղղությունն է, քանի որ «Արմավիան» արդեն առաջին տարին չէ, որ չվերթեր է իրականացնում Երևան-Հռոմ-Երևան, Երևան-Վենետիկ-Երևան ուղղություններով:
«Արմավիան» ամռանը բացում է ևս երեք նոր ուղղություն՝ Երևան-Ամման-Երևան (չորեքշաբթի օրերին, սկսած հունիսի 6-ից), Երևան-Ամրիթսար-Երևան և Երևան-Ստոկհոլմ-Երևան:
Ամառային շրջանում վերականգնվում են նաև հետևյալ ուղղությունները՝ Երևան-Բիրմինհեմ-Երևան, Երևան-Հռոմ-Երևան, Երևան-Վենետիկ-Երևան, Երևան-Բարսելոնա-Երևան, Երևան-Լիոն-Երևան, Երևան-Փարիզ-Երևան, Երևան-Մարսել-Երևան: -0-
