Հայաստանում մեկնարկում է գյուղատնտեսական տեխնիկայի լիզինգի պետական աջակցության ծրագիրը
ԵՐԵՎԱՆ, 16 մարտի. /ԱՌԿԱ /. ՀՀ կառավարությունը հինգշաբթի կառավարության նիստի ժամանակ հավանություն է տվել գյուղատնտեսական տեխնիկայի ֆինանսական վարձակալության` լիզինգի պետական աջակցության ծրագրին:
Ինչպես նշեց ՀՀ գյուղատնտեսության նախարար Իգնատի Առաքելյանը, ծրագրի ընդհանուր արժեքը 2017թ.-ին կազմում է մոտ 2,2 մլրդ ՀՀ դրամ: Ծրագիրը նախատեսում է 2 տոկոս տոկոսադրույքով գյուղատնտեսական տեխնիկա ձեռք բերելու վարկեր:
«Ծրագիրը թույլ կտա գյուղացիներին գյուղատնտեսական տեխնիկա գնել արտոնյալ տոկոսադրույքով: Մասնավորապես, լիզինգը կտրամադրվի տարեկան 9 տոկոս տոկոսադրույքով, որոնցից 7 տոկոսը կսուբսիդավորի պետությունը` պարարտանյութերի տրամադրման ծրագրի միջոցով տնտեսված միջոցներով», - ասել է Առաքելյանը:
Նրա խոսքով, ծրագրի հաջող իրականացման դեպքում ակնկալվում է ֆինանսավորման մեծացում:
ՀՀ վարչապետ Կարեն Կարապետյանը նշել է, որ գյուղտեխնիկայի ապահովման հարցը կարևորագույն խնդիրներից է և ընդգծել է, որ այն թույլ կտա գյուղացիներին արտոնյալ պայմաններով գյուղատնտեսական տեխնիկա ձեռք բերել:
