Հայաստանը 9 ամսով երկարացրել է «Հայփոստի» կոնցեսիոն պայմանագիրը
ԵՐԵՎԱՆ, 24 նոյեմբերի. /ԱՌԿԱ/. «Հայփոստ» ՓԲԸ–ի կոնցեսիոն պայմանագիրը 9 ամսով երկարացվել է, համապատասխան որոշումն ընդունել է հինգշաբթի կառավարության նիստի ժամանակ։
Ինչպես նշեց Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, Հայաստանի ազգային փոստային օպերատորի կոնցեսիոն կառավարումը 2006 թ.–ին 5 տարի ժամկետով փոխանցվել է «Հայփոստ Թրասթ Մենեջմենթ» ընկերությանը, որը պատկանում է արգենտինահայ գործարար Էդուարդո Էռնեկյանին, այնուհետև այն երկարացվել է։
Նախարարը նաև նշեց, որ պայմանագրի ժամկետը լրանում է 2016 թ.–ի նոյեմբերի 30–ին։
«Նախորդ տասը տարիների ընթացքում ընկերությունը ստանձնել է «Հայփոստի» կոնցեսիոն կառավարումը, և մինչև կառավարման նոր մոդելի ընտրությունը մենք 9 ամսով երկարացնում ենք «Հայփոստ Թրասթ Մենեջմենթի» հետ պայմանագրի գործողությունը», – ասաց Մարտիրոսյանը։
«Հայփոստ» ՓԲԸ-ն Հայաստանի Հանրապետության փոստային կապի ազգային օպերատորն է, որը տրամադրում է փոստային, ֆինանսական և մանրածախ առևտրային ծառայություններ: Այժմ ‹‹Հայփոստ›› ՓԲԸ-ն իր գործունեությունը ծավալում է 900 փոստային բաժանմունքներում, որոնք գործում են ՀՀ բոլոր քաղաքներում և գյուղերում: «ՀայՓոստ» ՓԲԸ-ի միակ բաժնետերը Հայաստանի կապի և տրանսպորտի նախարարությունն է: -0-
