ԶԼՄ–ները հաղորդում են Երևանում երկու «SAS» սուպերմարկետների փակման մասին, ՊԵԿ–ը ներկայացնում է սուղ մեկնաբանություններ
ԵՐԵՎԱՆ, 20 հունվարի. /ԱՌԿԱ/. Հայկական ԶԼՄ–ներում ուրբաթ տեղեկություն էր շրջանառվում Երևանում երկու «SAS» սուպերմարկետների փակման մասին։
Մասնավորապես, խոսքը Թումանյան փողոցի և Բաղրամյանի պողոտայի վրա գտնվող սուպերմարկետների մասին է։
Մամուլում տեղ գտած հրապարակումների համաձայն, սուպերմարկետները փակվել են կառավարությանն առընթեր Պետական եկամուտների կոմիտեի կողմից հարկային ստուգում իրականացնելու նպատակով։
«ԱՌԿԱ» գործակալությունն այս հարցով դիմել է գերատեսչություն` պարզաբանում ստանալու նպատակով։
«Ի պատասխան Ձեր հարցման` տեղեկացնում ենք, որ ՀՀ ԿԱ պետական եկամուտների կոմիտեն օրենսդրությամբ վերապահված լիազորությունների շրջանակներում իր գործառույթն է իրականացնում»,– նշել են ՀՀ ԿԱ ՊԵԿ տեղեկատվության և հասարակայնության հետ կապերի բաժնից։
