Կոնյակի համար որպես նախընտրելի տարբերակ առաջարկվել է օգտագործել «Armenian brandy» անվանումը
ԵՐԵՎԱՆ, 5 նոյեմբերի./ԱՌԿԱ/. Հայկական կոնյակի համար որպես նախընտրելի տարբերակ առաջարկվել է օգտագործել «Armenian brandy» անվանումը։ Այս մասին այսօր ԱԺ-ում հայտարարեց Էկոնոմիկայի նախարար Գևորգ Պապոյանը։
«Նոր անվանման մասին ԵՄ կողմին տեղեկացվել է 2023թ հոկտեմբերի 17-ին կայացած ՀՀ-ԵՄ առևտրի հարցերով գործընկերության կոմիտեի հինգերորդ նիստի ժամանակ, ինչպես նաև պաշտոնական գրությամբ տեղեկացվել են եվրոպական հանձնաժողովի համապատասխան գլխավոր տնօրինություններին»,-ասաց Պապոյանը։
Նրա խոսքով՝ կոնյակի վերաբրենդավորման գործընթացում առանցքային է այն, որ նոր անվանումով հայկական բրենդին գրանցվի որպես աշխարհագրական նշում։
«Կլինեն հստակ չափանիշներ, արտադրության որակի հսկողության և վերահսկողության ճշգրիտ մեխանիզմներ, որոնք պետք է ենթարկեցվեն հայկական բրենդի արտադրողները, ովքեր կօգտագործեն նոր աշխարհագրական անվանումը»,- նշեց Պապոյանը։
