Հայաստան մատակարարվող ռուսական գազի գնի ձևավորման սխեման պետք է ավելի թափանցիկ դառնա

ԵՐԵՎԱՆ, 6 դեկտեմբերի. /ԱՌԿԱ/. Հայաստան մատակարարվող ռուսական գազի գնի ձևավորման սխեման պետք է ավելի թափանցիկ դառնա և ռուսական, և հայկական կողմից, կարծում է ՌԳԱ Արևելագիտության ինստիտուտի Կենտրոնական Ասիայի և Կովկասի փորձագետ, Սևծովյան–Կասպիական տարածաշրջանի քաղաքական և սոցիալական հետազոտությունների ինստիտուտի գիտաշխատող Անդրեյ Արեշևը։

Ռուսաստանն ու Հայաստանը երկու երկրների նախագահների բանակցությունների արդյունքում գազի ոլորտում մի շարք փաստաթղթեր ստորագրեցին, որոնք նախատեսում են Հայաստանի համար գազի գնի նվազում` մինչև հազար խորանարդ մետրի համար 189 դոլար` նախկին 270 դոլարի փոխարեն։

«Սեփականության հարցերը, գազի բաշխման, ամբողջ շղթայում ներգրավված միջնորդների հարցերը, մինչև որ գազը հասնում է Վրաստանի սահմանից հայ սպառողին, ավելի թափանցիկ մոտեցում է պահանջում»,– ասաց Արեշևը «Ռուսաստանի նախագահի այցը Հայաստան» Երևան–Մոսկվա տեսակամրջի ընթացքում։--0--