Նավթի համաշխարհային գները բարձրացել են չորեքշաբթի գրանցված առուվաճառքի արդյունքում

ԵՐԵՎԱՆ, 19 նոյեմբերի. /ԱՌԿԱ/. WTI տեխասյան նավթի դեկտեմբերյան ֆյուչերսների գնանշումը Նյու Յորքում առուվաճառքի արդյունքում ավելացել է 0,08 դոլարով` հասնելով բարելի դիմաց 40,75 դոլարի, հաղորդում է banki.ru–ն։

Եվրոպայում առուվաճառքի արդյունքում ևս նավթը թանկացել է։ Լոնդոնի ֆյուչերսային գործարքների միջմայրցամաքային բորսայում Brent տեսակի նավթի հունվարյան պայմանագրերի արժեքն ավելացել է 0,57 դոլարով` հասնելով բարելի դիմաց 44,14 դոլարի։–0–