Հայաստանի փողի զանգվածի ծավալն օգոստոսին նվազել է 1,7%–ով` մինչև 1 734,2 մլրդ դրամ

ԵՐԵՎԱՆ, 2 հոկտեմբերի. /ԱՌԿԱ/. Հայաստանի փողի զանգվածի ծավալը 2015 թ.–ի օգոստոսին, այս տարվա հուլիսի համեմատ, նվազել է 1.7 տոկոսով` կազմելով մոտ  1 734,2  մլրդ դրամ։

Ինչպես «ԱՌԿԱ» գործակալությանը տեղեկացրեցին ՀՀ ԱՎԾ–ից` ՀՀ ԿԲ–ի ներկայացրած նախնական տվյալների հիման վրա, բանկային համակարգից դուրս գտնվող կանխիկի ծավալը օգոստոսի վերջին կազմել է մոտ 328 մլրդ դրամ` դեկտեմբերի վերջին գրանցված 345 մլրդ դրամի համեմատ, ցպահանջ ավանդները (դրամով) կազմել են 173.9 մլրդ դրամ` դեկտեմբերի վերջին գրանցված մոտ 188.2 մլրդ դրամի համեմատ։

Դրամով ժամկետային ավանդների ծավալը հաշվետու ժամանակահատվածի վերջում կազմել է մոտ 293.1 մլրդ դրամ` դեկտեմբերի վերջին գրանցված 295 մլրդ դրամի համեմատ։ Միաժամանակ արտարժույթով ավանդների ծավալը կազմել է ավելի քան 939.1 մլրդ դրամ` դեկտեմբերի վերջին գրանցված 936.1 մլրդ դրամի համեմատ։

Միաժամանակ դրամային բազմարկիչը հունվարի վերջին կազմել է 1,98` նախորդ ամսվա 2–ի դիմաց ($1- 472,85  դրամ)։ -0–