Ռադիոակտիվ նյութերի տեղափոխումը Հայաստան կարող են իրականացնել միայն իրավաբանական անձինք

ԵՐԵՎԱՆ, 10 հունիսի. /ԱՌԿԱ/. Հայաստանի կառավարությունը չորեքշաբթի հաստատել է Օրենսդրության կարգավորման ազգային կենտրոնի առաջարկը, որը ենթադրում է, որ միջուկային և ռադիոակտիվ նյութեր տեղափոխելու իրավունք կունենան միայն իրավաբանական անձինք։

Բացի այդ, կներդրվի «մեկ պատուհանի» համակարգ, և ոստիկանության ու բնապահպանության նախարարության, ինչպես նաև օդային տրանսպորտի ոլորտում լիազոր կառույցների և Երևանի քաղաքապետարանի հետ փոխադրումների ծրագիրը կհամաձայնեցնի կարգավորող մարմինը։

Հայաստանի կառավարությանը կից «Օրենսդրության կարգավորման ազգային կենտրոն» պետական հաստատությունը ստեղծվել է 2011թ.–ի հոկտեմբերի 13–ին։Կենտրոնի նպատակն է կարգավորիչ իրավական ակտերի կրճատումը և հեշտացումը` բիզնեսի վարումը և քաղաքացիների կենսագործունեությունը հեշտացնելու համար։-0-