ՄԱԿ. Համաշխարհային տնտեսությունը չի կայունանում
15.10.2013,
10:25
Համաշխարհային տնտեսությունը շարունակում է լուրջ դժվարություններ կրել նույնիսկ 2008 թվականի ֆինանսական ճգնաժամից հինգ տարի անց։ Այս մասին նշվում է ՄԱԿ–ի առևտրի և զարգացման համաժողովի մասնակիցների հաշվետվությունում։
ԵՐԵՎԱՆ, 15 հոկտեմբերի. /ԱՌԿԱ/. Համաշխարհային տնտեսությունը շարունակում է լուրջ դժվարություններ կրել նույնիսկ 2008 թվականի ֆինանսական ճգնաժամից հինգ տարի անց։ Այս մասին նշվում է ՄԱԿ–ի առևտրի և զարգացման համաժողովի մասնակիցների հաշվետվությունում։
«Համաշխարհային տնտեսությունը մինչ օրս չի կարողանում վերադառնալ կայուն և հաստատուն զարգացման ուղի»,– ասվում է փաստաթղթում։ Տնտեսության աճի տեմպն այս տարի, համաժողով կանխատեսումներով, չի փոխվի 2012 թվականի համեմատ և կկազմի 2.2 տոկոս։ Ամենից վատ իրենց կդրսևորեն զարգացած երկրները, որտեղ ՀՆԱ աճը չի գերազանցի 1 տոկոսը։ Զարգացող երկրներում աճը կկազմի 5–ից 3 տոկոս, գրում է РБК–ն։
Ինչպես նշում են հաշվետվության հեղինակները, զարգացող երկրները չեն կարողանա վերադառնալ տնտեսական աճի նախաճգնաժամային ռազմավարությանն իրենց կողմից արտահանվող ապրանքների պահանջարկի և ֆինանսավորման հարցում փոփոխությունների պատճառով։ Բացի այդ, բազմաթիվ պետություններ չեն շտապում բանկային բարեփոխում անցկացնել, թեև ֆինանսական հատվածի իրավիճակը չափազանց լարված է։
ՄԱԿ–ի առևտրի և զարգացման համաժողովը ՄԱԿ–ի Գերագույն վեհաժողովի մարմին է։ Ստեղծվել է 1964 թվականին և այսօրվա դրությամբ ընդգրկում է ավելի քան 194 երկիր։ Համաժողովի որոշումներն ընդունվում են բանաձևերի տեսքով և խորհրդատվական բնույթ են կրում։ -0-
«Համաշխարհային տնտեսությունը մինչ օրս չի կարողանում վերադառնալ կայուն և հաստատուն զարգացման ուղի»,– ասվում է փաստաթղթում։ Տնտեսության աճի տեմպն այս տարի, համաժողով կանխատեսումներով, չի փոխվի 2012 թվականի համեմատ և կկազմի 2.2 տոկոս։ Ամենից վատ իրենց կդրսևորեն զարգացած երկրները, որտեղ ՀՆԱ աճը չի գերազանցի 1 տոկոսը։ Զարգացող երկրներում աճը կկազմի 5–ից 3 տոկոս, գրում է РБК–ն։
Ինչպես նշում են հաշվետվության հեղինակները, զարգացող երկրները չեն կարողանա վերադառնալ տնտեսական աճի նախաճգնաժամային ռազմավարությանն իրենց կողմից արտահանվող ապրանքների պահանջարկի և ֆինանսավորման հարցում փոփոխությունների պատճառով։ Բացի այդ, բազմաթիվ պետություններ չեն շտապում բանկային բարեփոխում անցկացնել, թեև ֆինանսական հատվածի իրավիճակը չափազանց լարված է։
ՄԱԿ–ի առևտրի և զարգացման համաժողովը ՄԱԿ–ի Գերագույն վեհաժողովի մարմին է։ Ստեղծվել է 1964 թվականին և այսօրվա դրությամբ ընդգրկում է ավելի քան 194 երկիր։ Համաժողովի որոշումներն ընդունվում են բանաձևերի տեսքով և խորհրդատվական բնույթ են կրում։ -0-
