«AgriFest 2025» գյուղատնտեսական փառատոնը կանցկացվի Սյունիքում
ԵՐԵՎԱՆ, 1 սեպտեմբերի․/ԱՌԿԱ/. «AgriFest 2025» գյուղատնտեսական փառատոնը կանցկացվի սեպտեմբերի 6-ին Սյունիքում, հաղորդում է Impact Hub Syunik-ը Facebook-ի իր էջում։
«Գորիսում՝ Մխիթար Սպարապետ փողոցում կայանալիք AgriFest փառատոնը մեկ հարթակում կմիավորի գյուղատնտեսական և ստեղծարար ոլորտի ներկայացուցիչներին», - ասվում է հաղորդագրության մեջ։
Փառատոնին կմասնակցեն ավելի քան 60 տեղական արտադրողներ, նախատեսված են թեմատիկ ֆոտոզոնաներ, Quick Talk, բիզնես խորհրդատվություններ, DJ և համերգային ծրագիր, վարպետության դասեր, համեղ սնունդ և ըմպելիքներ։
AgriFest by Impact Hub Syunik փառատոնը համաֆինանսավորվում է Եվրոպական միության, Ակբա Ֆեդերացիայի և Իմփաքթ Հաբ Սյունիքի կողմից: Եվրոպական Միության աջակցությունը տրամադրվում է Three4ResilientArmenia ծրագրի շրջանակներում, որն իրականացնում են Հայկական Կարիտաս բարեսիրական հասարակական կազմակերպությունը, ԻՐԻՍ բիզնես ինկուբատոր հիմնադրամը և Իմփաքթ Հաբ Արմենիա սոցիալական նորարարության զարգացման հիմնադրամը։