Հայաստանում հունվար–մայիսին արտաքին առևտրաշրջանառությունն աճել է 2,3 տոկոսով` հասնելով մոտ 2 278,9 մլն դոլարի

ԵՐԵՎԱՆ, 20 հունիսի./ԱՌԿԱ/. Հայաստանում արտաքին առևտրաշրջանառության ծավալը, օպերատիվ վիճակագրական տվյալներով, 2014 թ.–ի հունվար–մայիսին, 2013 թ.–ի նույն ժամանակահատվածի համեմատ, աճել է 2,3 տոկոսով` կազմելով 2 278,9 մլն դոլար։ Այս մասին հաղորդում է ՀՀ ԱՎԾ–ն։

ԱՎԾ–ի տվյալներով` արտահանման ծավալը հաշվետու ժամանակահատվածում կազմել է 580 մլն դոլար` 2013 թ.–ի նույն ժամանակահատվածի համեմատ ավելանալով 3,2 տոկոսով։

Միաժամանակ ներկրման ծավալը հավետու ժամանակահատվածում ավելացել է մոտ 2 տոկոսով` կազմելով 1698,9 մլն դոլար։ Այս ամենի արդյունքում արտաքին առևտրային հաշվեկշռի բացասական սալդոն այս տարվա հունվար–մայիսին կազմել է 1 118,9 մլն դոլար ($1 – 409,9 դրամ)։ -0—