Ասկերանի շրջանի Աստղաշեն գյուղի հարակից տարածքում էկո-տաղավարներ են բացվել

ԵՐԵՎԱՆ, 5 հունիսի. /ԱՌԿԱ/. ԼՂՀ կառավարության աշխատակազմի ղեկավար Լևոն Գրիգորյանը հունիսի 4-ին Ասկերանի շրջանի Աստղաշեն գյուղի հարակից տարածքում մասնակցել է էկո-տաղավարների բացման հանդիսավոր արարողությանը: Այս մասին նշված է ԼՂՀ կառավարության ֆեյսբուքյան էջում

Նոր տաղավարների բացումը նպատակ ունի նպաստել ԼՂՀ Խնձրիստան, Պատարա և Աստղաշեն համայնքներում էկոգյուղի համար ընդունելի գործունեության զարգացմանը:

Ծրագիրը իրականացվել է «Արցախի երիտասարդության զարգացման կենտրոն», «Երիտասարդ կենսաբանների ասոցիացիա», «Էկոգյուղ» և «Համաշխարհային անկախ երիտասարդական միավորում» ՀԿ-ների համագործակցությամբ, որոնք Արցախում իրականացնում են էկոգյուղի մոդելի նախագիծ:-0-