ԵԱԶԲ–ում նշել են ՀՀ–ում մարտին գնաճի արագացման դրայվերները

ԵՐԵՎԱՆ, 7 ապրիլի․/ԱՌԿԱ/․ Եվրասիական զարգացման բանկում (ԵԶԲ) նշել են այն ոլորտները, որոնք նպաստել են Հայաստանում մարտին գնաճի արագացմանը։

«Հայաստանում գնաճը մարտին արագացել է՝ հասնելով 3.3%-ի տարեկան հաշվարկով՝ փետրվարի 2.5%-ի դիմաց։ Գնաճի արագացմանը նպաստել են սննդամթերքի (մարտին՝ +5.4% տարեկան, փետրվարին՝ +4.5%) և ծառայությունների (մարտին՝ +2.9%, փետրվարին՝ +2.5%) թանկացումները։ Միաժամանակ դանդաղել է ոչ պարենային ապրանքների գների նվազման տեմպը (մարտին՝ -0.5%, փետրվարին՝ -1.2%)», - նշված է ԵԱԶԲ-ի ամենշաբաթյա մակրոտնտեսական վերլուծության մեջ։

Բանկի վերլուծաբանները պահպանել են իրենց նախկին կանխատեսումը, որ գնաճը այս տարի կմնա Հայաստանի ԿԲ-ի թիրախային միջակայքում՝ 3% (±1%)։

Գնաճի թվերն ու կանխատեսումները

Հայաստանի 2025 թվականի պետական բյուջեում գնաճն ամրագրված է 3% (±1%) մակարդակով։ Մարտին Հայաստանում գնաճը կազմել է 3.3% տարեկան՝ փետրվարի 2.5%-ի դիմաց։ Ըստ ԿԲ-ի առաջին եռամսյակի դրամավարկային քաղաքականության զեկույցի՝ 2025 թվականի արդյունքում գնաճն ակնկալվում է 2.6-2.4%, 2026 թ․–ին՝ 3.1-2.9%, իսկ 2027 թ․–ին՝ 3%։

Համաշխարհային բանկը կանխատեսում է, որ 2025 թվականին գնաճը Հայաստանում կլինի 3.5%, իսկ 2026-ին՝ 4%։ ԱՄՀ-ն կանխատեսում է, որ 2025 թվականին գները կաճեն 3.7%-ով։ ԱԶԲ-ի կանխատեսմամբ՝ 2025 թվականին գնաճը Հայաստանում կլինի 2.5%։ Իսկ ԱԵԶԲ-ն այս տարվա արդյունքներով ակնկալվում է 3.1% գնաճ։