ՀԱԳՄ–ն հնչեցրել է Հայաստանում առկա մարտահրավերների հաղթահարման առաջնահերթ քայլերի օրակարգը
ԵՐԵՎԱՆ, 11 մայիսի. /ԱՌԿԱ/. Հայաստանի արդյունաբերողների և գործարարների միությունը նշում է, որ մասնակից է լինելու երկրում առկա բազմաթիվ մարտահրավերների հաղթահարմանը։
Ինչպես ասվում է ՀԱԳՄ տարածած հաղորդագրությունում, այս պահին առաջնահերթ է արհեստածին մենաշնորհների վերացումը, ինչպես նաև հավասար մրցակցային դաշտի և ազատ տնտեսության ձևավորումը, որոնք նախապայմաններ կստեղծեն յուրաքանչյուրի գործարար և ստեղծագործ ունակությունների զարգացման համար:
Բացի դրանից, ինչպես նշում են Միությունից, իրենց միասնական նպատակն է երկրում աշխատատեղերի ավելացումը և արտագաղթի նվազեցումը:
«Մենք հավատում ենք, որ համաժողովրդական քվե ստացած վարչապետն իզորու է որակապես փոխելու տնտեսական հարաբերությունների բնույթը, իսկ մենք՝ գործարարներս, պատրաստակամ ենք զորակցելու ցանկացած նախաձեռնությանը»,– ասվում է հաղորդագրության մեջ։ -0-
