Համաշխարհային բանկը բարելավել է Հայաստանի 2025 և 2026 թթ.-երի տնտեսական կանխատեսումները

ԵՐԵՎԱՆ, 8 հոկտեմբեր․/ԱՌԿԱ/. Համաշխարհային բանկը կանխատեսում է, որ Հայաստանի տնտեսությունը 2025 թ.-ին կաճի 5.2%-ով, իսկ 2026 թ.-ին՝ 4.9%-ով։ Այս կանխատեսումը ներառված է Համաշխարհային բանկի Եվրոպայի և Կենտրոնական Ասիայի «Տնտեսական վերջին թարմացումներ»-ում (Europe and Central Asia Economic Update, Fall 2025)։

Գարնանը հրապարակված նմանատիպ զեկույցում Համաշխարհային բանկը կանխատեսել է, որ 2025 թ.-ին Հայաստանի տնտեսական աճը կկազմի 4%, իսկ 2026 թ.-ին՝ 4.2% ։

Այսպիսով, ընթացիկ տարվա կանխատեսումը բարելավվել է 1.2 տոկոսային կետով և հաջորդ տարվա համար 0.7 տոկոսային կետով։

2027 թ.-ի կանխատեսումը նույնպես բարելավվել է 0.2 տոկոսային կետով՝ հասնելով 4.7%-ի։

Թվեր և կանխատեսումներ Հայաստանի տնտեսության վերաբերյալ

ՀՀ 2025 թ.-ի պետական ​​բյուջեն կանխատեսում է 5.1% տնտեսական աճ։ Ըստ Կենտրոնական բանկի այս տարվա երրորդ եռամսյակի դրամավարկային քաղաքականության զեկույցի՝ Հայաստանի ՀՆԱ-ի աճը 2025 թ.-ի վերջին կկազմի 5.8-5.7%, 2026 թ.-ին՝ 5.7-6.2%, իսկ 2027 թ.-ին՝ 5-6.3%՝ կախված սցենարներից (A-B)։

Եվրասիական զարգացման բանկը (ԵԶԲ) կանխատեսում է 2025 թ.-ին Հայաստանի ՀՆԱ-ի աճը ՝ 5.5%։ Համաշխարհային բանկը կանխատեսում է, որ Հայաստանի տնտեսությունը 2025 թ.-ին կաճի 5.2%-ով, Արժույթի միջազգային հիմնադրամը՝ 4.5%-ով, Վերակառուցման և զարգացման բանկը (ՎԶԵԲ)՝ 5%-ով, իսկ Ասիական զարգացման բանկը (ԱԶԲ)՝ 6%-ով։ Fitch Ratings-ը կանխատեսում է Հայաստանի տնտեսական աճը 2025 թ.-ին՝ 4.9%, մինչդեռ ՄԱԿ-ը կանխատեսում է, որ Հայաստանի տնտեսությունը կաճի 5.2%-ով։