Հայաստան ներկրած շոկոլադի ծավալն առաջին կիսամյակում ավելացել է 9,1%–ով և 16,1 մլն դոլար կազմել

ԵՐԵՎԱՆ, 13 օգոստոսի. /ԱՌԿԱ/. Շոկոլադի և կակաոյի հիմքով այլ հրուշակեղենի ներկրումը Հայաստան 2013 թվականի առաջին կիսամյակում կազմել է 16.17 մլն դոլար` նախորդ տարվա նույն ժամանակահատվածի համեմատ ավելանալով 9.1 տոկոսով։ Նման տվյալներ են բերվում Հայաստանի Մաքսային ծառայությունից։

Միաժամանակ հունվար–հունիսին երկիր է ներմուծվել մոտ 3.4 հազար տոննա շոկոլադ և կակաոյի հիմքով այլ հրուշակեղեն` նախորդ տարվա նույն ժամանակահատվածի 3.2 տոննայի դիմաց։  

Միևնույն ժամանակ, հաշվետու ժամանակահատվածում արտահանվել է 87 տոննա շոկոլադ` 530.4 հազար դոլար արժողությամբ (աճը` 28,9%).

Մաքսային ծառայության տվյալներով, վեց ամիսների ընթացքում երկիր է ներմուծվել 13.9 մլն դոլարի 5.56 տոննա սուրճ (աճը` 8,4%), արտահանվել ` 2 մլն դոլար արժողության 515.7 տոննա սուրճ (անկումը` 21,6%)։ ($1 –  407,53 դրամ)։  —0-