Հայաստանը պետք է ամրապնդի իր արտահանման ներուժը. ԶԵԱԲ
06.03.2013,
15:28
Հայաստանը պետք է ամրապնդի իր արտահանման ներուժը, «ԱՌԿԱ» գործակալությանը տված բացառիկ հարցազրույցում հայտնել է ԶԵԱԲ երևանյան ներկայացուցչության տնօրեն Սերգեյ Իգնատովը։
ԵՐԵՎԱՆ, 6 մարտի. /ԱՌԿԱ/. Հայաստանը պետք է ամրապնդի իր արտահանման ներուժը, «ԱՌԿԱ» գործակալությանը տված բացառիկ հարցազրույցում հայտնել է ԶԵԱԲ երևանյան ներկայացուցչության տնօրեն Սերգեյ Իգնատովը։
«Արտահանմանը միտված և ներմուծմանը փոխարինող արտադրողական հզորությունների զարգացման հաշվին Հայաստանի արտահանման ներուժի ամրապնդումը և համապատասխան քաղաքականության անցկացումը պետք է առաջնահերթ մնա առաջիկա տարիներին»,– նշել է նա։
Բանկիրն ընդգծել է նաև, որ Հայաստանը բարձր արտահանման ներուժ ունի ագրոարդյունաբերական համալիրում, իսկ սննդարդյունաբերությունում այդ ներուժն արդեն մասամբ իրականացվում է։
Ըստ նրա` միաժամանակ Հայաստանի մշակող արդյունաբերության ոլորտում անհրաժեշտ է արտադրողական շղթայով վերև ընթանալ։ Արդյունաբերական քաղաքականության նման ռազմավարության հաջողությունը կախված կլինի ղեկավարության համառությունից և արտահանման զարգացման նկատմամբ դրա մոտեցման համակարգվածությունից։
«Ղեկավարությունը պետք է նպաստի արտահանման զարգացմանը` ինչպես արտադրող-արտահանողների աջակցման, այնպես էլ նրանց համար համապատասխան ինստիտուցիոնալ միջավայր ստեղծելու մակարդակում (բիզնես միջավայր, տրանսպորտային ենթակառուցվածք, օրենսդրություն, արտաքին ներդրողների ներգրավում և այլն), այնպես էլ միջազգային մակարդակում (տրանսպորտային շրջափակման առավելագույն նվազեցում, Ռուսաստանի և Եվրամիության ռազմավարական շուկաների հասանելիության հեշտացում և այլն)»,– ասել է նա։
2012թ.–ի վերջին Հայաստանում ԶԵԱԲ–ի ներդրումային պորտֆելի ծավալը հասել է 109 մլն ԱՄՆ դոլարի` հաշվի առնելով արդեն մարված նախագծերը։
ԶԵԱԲ–ի կանոնադրական կապիտալը գերազանցում է 1,5 մլրդ ԱՄՆ դոլարը։ Բանկի մասնակից պետություններն են Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը, Ռուսաստանի Դաշնությունը և Տաջիկստանի Հանրապետությունը։ –0–
«Արտահանմանը միտված և ներմուծմանը փոխարինող արտադրողական հզորությունների զարգացման հաշվին Հայաստանի արտահանման ներուժի ամրապնդումը և համապատասխան քաղաքականության անցկացումը պետք է առաջնահերթ մնա առաջիկա տարիներին»,– նշել է նա։
Բանկիրն ընդգծել է նաև, որ Հայաստանը բարձր արտահանման ներուժ ունի ագրոարդյունաբերական համալիրում, իսկ սննդարդյունաբերությունում այդ ներուժն արդեն մասամբ իրականացվում է։
Ըստ նրա` միաժամանակ Հայաստանի մշակող արդյունաբերության ոլորտում անհրաժեշտ է արտադրողական շղթայով վերև ընթանալ։ Արդյունաբերական քաղաքականության նման ռազմավարության հաջողությունը կախված կլինի ղեկավարության համառությունից և արտահանման զարգացման նկատմամբ դրա մոտեցման համակարգվածությունից։
«Ղեկավարությունը պետք է նպաստի արտահանման զարգացմանը` ինչպես արտադրող-արտահանողների աջակցման, այնպես էլ նրանց համար համապատասխան ինստիտուցիոնալ միջավայր ստեղծելու մակարդակում (բիզնես միջավայր, տրանսպորտային ենթակառուցվածք, օրենսդրություն, արտաքին ներդրողների ներգրավում և այլն), այնպես էլ միջազգային մակարդակում (տրանսպորտային շրջափակման առավելագույն նվազեցում, Ռուսաստանի և Եվրամիության ռազմավարական շուկաների հասանելիության հեշտացում և այլն)»,– ասել է նա։
2012թ.–ի վերջին Հայաստանում ԶԵԱԲ–ի ներդրումային պորտֆելի ծավալը հասել է 109 մլն ԱՄՆ դոլարի` հաշվի առնելով արդեն մարված նախագծերը։
ԶԵԱԲ–ի կանոնադրական կապիտալը գերազանցում է 1,5 մլրդ ԱՄՆ դոլարը։ Բանկի մասնակից պետություններն են Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղզստանի Հանրապետությունը, Ռուսաստանի Դաշնությունը և Տաջիկստանի Հանրապետությունը։ –0–
