Հայաստանի և Ռուսաստանի Վերահսկիչ մարմինների միջև 2013-2015թթ. համագործակցության ծրագիր կստորագրվի Երևանում

ԵՐԵՎԱՆ, 17 հոկտեմբերի. /ԱՌԿԱ/. ՀՀ վերահսկիչ պալատի ու ՌԴ հաշվիչ պալատի միջև նոր՝ 2013-2015թթ. համագործակցության մասին ծրագիր կստորագրվի չորեքշաբթի՝ երկու երկրների Գերագույն վերահսկիչ մարմինների խորհրդի համատեղ նիստի արդյունքում, որն այս րոպեներին ընթանում է Երևանում:

Գերագույն վերահսկիչ մարմինների խորհրդի համատեղ նիստին մասնակցելու համար Երևանում է գտնվում ՌԴ հաշվիչ պալատի նախագահ Սերգեյ Ստեպաշինի գլխավորած պատվիրակությունը:

Նոր ծրագրով նախատեսվում է մի շարք վերահսկիչ միջոցառումներ անցկացնել, ինչպես նաև փորձի և տեղեկատվության փոխանակմանն ուղղված այլ համատեղ աշխատանքներ իրականացնել:

Համատեղ նիստի ընթացքում նախատեսվում է ամրագրել «Համատեղ վերահսկողություն արդյունաբերական ապրանքների արտահանման և ներկրման հարցերի կարգավորման նկատմամբ Հայաստան- Ռուսաստան» արդյունքները, ինչպես նաև ամփոփել համագործակցության 2010-2012թթ. ծրագրի արդյունքները: --0--