Հայաստանի և Վրաստանի էկոնոմիկայի նախարարները քննարկել են համագործակցությունը տրանսպորտի և լոգիստիկայի ոլորտում
20.11.2025,
10:27
ՀՀ էկոնոմիկայի նախարար Գևորգ Պապոյանը Վրաստանում հանդիպել է Վրաստանի էկոնոմիկայի և կայուն զարգացման նախարար Մարիամ Կվրիվիշվիլիի հետ
ԵՐԵՎԱՆ, 20 նոյեմբերի․/ԱՌԿԱ/․ Հայաստանի Հանրապետության նախագահի պաշտոնական այցի շրջանակներում ՀՀ էկոնոմիկայի նախարար Գևորգ Պապոյանը գտնվում է Վրաստանի մայրաքաղաք Թբիլիսիում։ Այցի ընթացքում նախարարն հանդիպում է ունեցել Վրաստանի էկոնոմիկայի և կայուն զարգացման նախարար Մարիամ Կվրիվիշվիլիի հետ, հաղորդում է Էկոնոմիկայի նախարարությունը։
Հանդիպման ընթացքում քննարկվել է համագործակցությունը տրանսպորտի և լոգիստիկայի ոլորտում՝ ինչպես տարածաշրջանային, այնպես էլ երկկողմ մակարդակներում։
Կողմերը նաև մտքեր են փոխանակել երկու երկրների տնտեսական օրակարգին վերաբերող մի շարք այլ հարցերի շուրջ։
Հանդիպմանը մասնակցել է նաև ՀՀ էկոնոմիկայի նախարարի տեղակալ Արման Խոջոյանը։
