Հայաստանի գյուղատնտեսական արտադրանքի և ձկնորսության ընդհանուր ծավալը կիսամյակի ընթացքում աճել է 8%-ով՝ կազմելով 211,2 մլրդ դրամ

ԵՐԵՎԱՆ, 1 օգոստոսի. /ԱՌԿԱ/. Հայաստանի գյուղատնտեսական արտադրանքի և ձկնորսության համախառն ծավալը 2012թ.-ի հունվար-հունիս ամիսներին կազմել է շուրջ 211,2 մլրդ դրամ՝ ընթացիկ գներով, հայտնեցին հանրապետության Ազգային վիճակագրական ծառայությունից:

2011թ.-ի նույն ժամանակահատվածի համեմատ աճը կազմել է 8 տոկոս:

2012թ.-ի հունիսին գյուղատնտեսական արտադրանքի համախառն ծավալը կազմել է շուրջ 54 մլրդ դրամ, ինչը  24,3 տոկոսով շատ է նախորդ տարվա նույն ցուցանիշից: 2012թ.-ի մայիսի համեմատ արտադրության ծավալներն աճել են 52,7 տոկոսով:

2012թ.-ի հունվար-հունիս ամիսներին գյուղատնտեսական արտադրանքի ծավալները կազմել են շուրջ 203,5 մլրդ դրամ, այդ թվում բուսաբուծությունը՝ շուրջ 58,5 մլրդ դրամ,  անասնաբուծությունը՝ շուրջ 145 մլրդ դրամ:

Ձկնորսության ոլորտի արտադրության ծավալները հասել են շուրջ 7,6 մլրդ դրամի ($1 – 407,60 դրամ):—0—