Հայաստանի վարչապետը «կտրուկ-դմփոց» բարեփոխումներ է պահանջել ջրային տնտեսության ոլորտում
ԵՐԵՎԱՆ, 13 ապրիլի. /ԱՌԿԱ/. ՀՀ վարչապետ Կարեն Կարապետյանը հինգշաբթի կառավարության նիստի ժամանակ առաջարկել է «կտրուկ-դմփոց» փոփոխություններ իրականացնել ջրային տնտեսության ոլորտում:
Նիստի ընթացքում վարչապետը ոռոգման սեզոնի նախապատրաստական աշխատանքների ձևավորման ավարտի համատեքստում հրահանգել է հավասար պայմաններ ապահովել բոլոր ջրօգտագործողների համար` հաշվի առնելով տարբեր շրջաններում հումքի և հողի առանձնահատկությունները` այդպիսով բացառելով օգտագործված ոռոգման ջրի դիմաց դեբետորական պարտքերի կուտակումը:
Դիմելով ՀՀ էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի նախագահ Արսեն Հարությունյանին` վարչապետը նշել է, որ ողջ գործընթացը հարկավոր է այնպես կազմակերպել, որ հնարավոր լինի խուսափել գերնորմատիվ կորուստներից:
«Հարկավոր է ունիֆիկացում կատարել` խուսափելու համար մի իրավիճակից, երբ մի համայնքում ջուր օգտագործելու համար վճարում են 1000 դրամ, իսկ մյուսում` 5000 դրամ: Մեկ տարվա ընթացքում պետք է անցկացնել ֆինանսական կարգուկանոնի, կորուստների կրճատման ապահովման բոլոր բարեփոխումները, ապահովել հստակ հաշվարկ և ջրաչափերի տեղադրում: Ես ակնկալում եմ ձեզանից այս տարի կտրուկ-դմփոց բարեփոխումներ ջրի սպառման ոլորտում», - ասաց Կարապետյանը: -0-
