Հայաստանում դեղի արտադրության տարեկան ծավալը 2020թ.-ին կարող է հասնել մինչև 95-135 մլն դոլարի. Էկոնոմիկայի նախարարություն
05.11.2012,
17:35
Հայաստանում դեղորայքի արտադրության տարեկան ծավալը 2020թ.-ին կարող է հասնել 95-135 մլն դոլարի, նոյեմբերի 3-4-ը Ծաղկաձորում անցած Հայաստանի դեղագործական ոլորտի բարեփոխումները քննարկման չորրորդ «առանց փողկապի» հանդիպման ժամանակ «ԱՌԿԱ» գործակալությանն ասաց ՀՀ էկոնոմիկայի նախարարության արդյունաբերական քաղաքականության բաժնի պետ Հայկ Միրզոյանը:
ԵՐԵՎԱՆ, 5 նոյեմբերի. /ԱՌԿԱ/. Հայաստանում դեղորայքի արտադրության տարեկան ծավալը 2020թ.-ին կարող է հասնել 95-135 մլն դոլարի, նոյեմբերի 3-4-ը Ծաղկաձորում անցած Հայաստանի դեղագործական ոլորտի բարեփոխումները քննարկման չորրորդ «առանց փողկապի» հանդիպման ժամանակ «ԱՌԿԱ» գործակալությանն ասաց ՀՀ էկոնոմիկայի նախարարության արդյունաբերական քաղաքականության բաժնի պետ Հայկ Միրզոյանը:
«2010թ.-ին արտադրության ծավալը կազմել է 8 մլն դոլար, իսկ արդեն 2015թ.-ին մենք մտադիր ենք այդ ցուցանիշը հասցնել 30-35 մլն դոլարի»,- ասաց Միրզոյանը:
Ըստ ՀՀ ազգային վիճակագրական ծառայության տվյալների, Հայաստանում դեղագործական արտադրանքի արտադրությունն ընթացիկ տարվա հունվար-սեպտեմբեր ամիսներին, 2011թ.-ի նույն ժամանակահատվածի համեմատ, աճել է 5,3 տոկոսով և ընթացիկ գներով կազմել շուրջ 2,7 մլրդ դրամ:
Միաժամանակ հաշվետու ժամանակահատվածում իրացվել է ավելի քան 2,6 մլրդ դրամ գումարի դեղագործական արտադրանք (2011թ.-ի նույն ժամանակահատվածի համեմատ 12,3 տոկոսանոց աճ), այդ թվում նաև 935,2 մլն դրամի արտադրանք է իրացվել ԱՊՀ երկրներում:
Ըստ Միրզոյանի, արտահանման ծավալները պետք է արդեն 2015թ.-ին հասնեն 20-25 մլն դոլարի, իսկ 2020թ.-ին՝ 75-115 մլն դոլարի:
Բաժնի պետը նշեց, որ դրան հասնելու համար պետք է մի շարք միջոցառումներ իրականացնել, մասնավորապես՝ արտոնյալ վարկեր և պետական նպաստներ հատկացնել, ինչպես նաև ենթադրվում է արտաքին շուկաներում բրենդինգ անցկացնել:
«Առանց փողկապի» հանդիպմանը ներկա են եղել ՀՀ էկոնոմիկայի նախարար Տիգրան Դավթյանը և առողջապահության նախարար Դերենիկ Դումանյանը: Միջոցառումը կազմակերպվել է Դեղ արտադրողների և ներմուծողների միության, ՀՀ առողջապահության նախարարության և էկոնոմիկայի նախարարության կողմից՝ ԱՄՆ Միջազգային զարգացման գործակալության Ձեռնարկությունների զարգացման և շուկայի մրցունակության ծրագրի (EDMC/USAID) աջակցությամբ: ($1 – 405,96 դրամ): –0-
«2010թ.-ին արտադրության ծավալը կազմել է 8 մլն դոլար, իսկ արդեն 2015թ.-ին մենք մտադիր ենք այդ ցուցանիշը հասցնել 30-35 մլն դոլարի»,- ասաց Միրզոյանը:
Ըստ ՀՀ ազգային վիճակագրական ծառայության տվյալների, Հայաստանում դեղագործական արտադրանքի արտադրությունն ընթացիկ տարվա հունվար-սեպտեմբեր ամիսներին, 2011թ.-ի նույն ժամանակահատվածի համեմատ, աճել է 5,3 տոկոսով և ընթացիկ գներով կազմել շուրջ 2,7 մլրդ դրամ:
Միաժամանակ հաշվետու ժամանակահատվածում իրացվել է ավելի քան 2,6 մլրդ դրամ գումարի դեղագործական արտադրանք (2011թ.-ի նույն ժամանակահատվածի համեմատ 12,3 տոկոսանոց աճ), այդ թվում նաև 935,2 մլն դրամի արտադրանք է իրացվել ԱՊՀ երկրներում:
Ըստ Միրզոյանի, արտահանման ծավալները պետք է արդեն 2015թ.-ին հասնեն 20-25 մլն դոլարի, իսկ 2020թ.-ին՝ 75-115 մլն դոլարի:
Բաժնի պետը նշեց, որ դրան հասնելու համար պետք է մի շարք միջոցառումներ իրականացնել, մասնավորապես՝ արտոնյալ վարկեր և պետական նպաստներ հատկացնել, ինչպես նաև ենթադրվում է արտաքին շուկաներում բրենդինգ անցկացնել:
«Առանց փողկապի» հանդիպմանը ներկա են եղել ՀՀ էկոնոմիկայի նախարար Տիգրան Դավթյանը և առողջապահության նախարար Դերենիկ Դումանյանը: Միջոցառումը կազմակերպվել է Դեղ արտադրողների և ներմուծողների միության, ՀՀ առողջապահության նախարարության և էկոնոմիկայի նախարարության կողմից՝ ԱՄՆ Միջազգային զարգացման գործակալության Ձեռնարկությունների զարգացման և շուկայի մրցունակության ծրագրի (EDMC/USAID) աջակցությամբ: ($1 – 405,96 դրամ): –0-
