Հայաստանը կկարողանա ձուկ և մեղր արտահանել ԵՄ երկրներ

ԵՐԵՎԱՆ, 6 նոյեմբերի. /ԱՌԿԱ/. Կառավարությունը հավանություն է տվել 2015-2017 թվականների Եվրամիության փորձարկման ռեֆերենս մեթոդներով ձկան և մեղրի փորձաքննությունների ծրագրին։

Ինչպես կառավարության նիստի ընթացքում նշեց Հայաստանի գյուղատնտեսության նախարար Սերգո Կարապետյանը, այդ ծրագիրը թույլ կտա Հայաստանի տարածքում իրականացնել ձկան և մեղրի մնացորդային նյութի հայտնաբերման միջազգային ընդունված հետազոտություններ։

Նախարարի խոսքով` նմանատիպ փորձաքննությունների անցկացումը թույլ կտա սննդամթերքի անվտանգության նորմերի միջազգային չափանիշներին համապատասխանող արտադրանքի իրացում ապահովել շուկայում։

«Այն տեղական արտադրության համար ճանապարհ կբացի դեպի եվրոպական և այլ շուկաներ, խթանելով արտադրության ծավալների աճը», - ասաց Կարապետյանը։ –0—