ՀՀ կառավարությունը կքննարկի ՀՆԱ աճի դինամիկան

ԵՐԵՎԱՆ, 8 օգոստոսի. /ԱՌԿԱ/. ՀՀ կառավարությունը խորհրդակցություն կանցկացնի 2013 թվականին ՀՆԱ աճի դինամիկայի վերաբերյալ և հաջորդ նիստերից մեկի ժամանակ կամփոփի նախորդ ամիսների ընթացքում տնտեսական աճի արդյունքները, հինգշաբթի կառավարության նիստի ժամանակ ասաց վարչապետ Տիգրան Սարգսյանը։

«Մենք արդեն տվյալներ ենք հավաքում ՀՆԱ ցուցանիշի վերաբերյալ` ըստ առանձին ոլորտների։ Հաջորդ նիստերից մեկի ժամանակ մենք կամփոփենք նախորդ ամիսների ընթացքում տնտեսական աճի արդյունքները»,– ասաց նա։

Զարգացման եվրասիական բանկի վերլուծական վարչության կողմից հրապարակված հերթական «ԱՊՀ մակրոմոնիտորի» համաձայն` Հայաստանի ՀՆԱ–ի աճը 2013թ.–ի առաջին եռամսյակում արագացել է` հասնելով 7,5 տոկոսի։

Հաշվետվության համաձայն` Հայաստանում տնտեսական ակտիվության ուժեղ դինամիկան բացատրվում է ագրոարտադրանքի վերամշակման ավելացման, մետաղի հանքաքարերի արդյունահանման և հիմնական մետաղների արտադրության հետևանքով արդյունաբերության աճի բարձր տեմպերով, ինչպես նաև հարաբերականորեն ամուր ներքին պահանջարկով, որը նաև խթանվում է միգրանտների տեղաշարժով (+8,7%)։

Միաժամանակ փորձագետները մատնանշում են, որ չնայած տնտեսության արտահանմանն ուղղված հատվածների աճին` Հայաստանի արտաքին տնտեսական գործունեության ցուցանիշները վատացել են։ Միջազգային պահեստների կրճատման և ազգային արժույթի արժեզրկման հարցում արտաքին խոցելիություն է հայտնվել։

ԶԵԱԲ–ի կանխատեսման համաձայն` Հայաստանի ՀՆԱ–ի աճը կդանդաղի և 2013թ.–ի վերջին կկազմի 5 տոկոս։ Պետք է առավելագույնը մինչև 5,5 տոկոսի չափով գնաճի արագացում սպասել։-0-