Հուլիսի 1-14-ը Վրաստանից ՌԴ է մտել հայկական շշալցված կոնյակով բարձված 103 բեռնատար․ Պապոյան
ԵՐԵՎԱՆ, 15 հուլիսի․/ԱՌԿԱ/․ Հուլիսի 1-14-ը Վրաստանից ՌԴ է մտել հայկական շշալցված կոնյակով բարձված 103 բեռնատար։
Այս մասին գրել է Էկոնոմիկայի նախարար Գևորգ Պապոյանը Facebook–յան իր էջում։
Վրաստանի սահմանին հայկական բեռների հետ կապված իրավիճակի մասին
Մի քանի ամիս է, ինչ խոսվում է Վերին Լարսի անցակետով Ռուսաստան կամ Բալթյան երկրներ ալկոհոլային խմիչքներ արտահանող տասնյակ բեռնատարների ինքնաբուխ լաբորատոր ստուգումների մասին։ Ստուգումների ուշացումների պատճառով հայ արտահանողները ֆինանսական վնասներ են կրում։ ՀՀ էկոնոմիկայի նախարար Գևորգ Պապոյանն ավելի վաղ հայտարարել էր, որ այս հարցը քննարկել է Հայաստանում գտնվող վրացի պաշտոնյաների հետ, և անհրաժեշտ է հասկանալ պատճառները և գտնել ինստիտուցիոնալ լուծում։
Ալկոհոլային խմիչքների հայ արտադրողները դիմել են պետական և միջազգային կառույցներին, մասնավորապես՝ ՀՀ ԱԺ, ՀՀ էկոնոմիկայի նախարարությանը և ՀՀ արտաքին գործերի նախարարությանը, ինչպես նաև Վերակառուցման և զարգացման բանկին, ՄԱԿ-ին, ԵԶԲ-ին և ԱՀԿ-ին՝ խնդրելով շտապ գնահատել Վրաստանի մաքսային տարածքով հայկական ապրանքների տարանցման հետ կապված լարված իրավիճակը։
Նամակում նշվում էր, որ վրացական կողմը, խախտելով ընդունված միջազգային առևտրի չափանիշները, զգալի նյութական վնաս է հասցնում հայ արտադրողներին, որոնք չեն կարողանում կատարել երրորդ կողմի նկատմամբ իրենց պայմանագրային պարտավորությունները։ Նամակի հեղինակները դիմել են միջազգային կազմակերպություններին և արտասահմանյան գործընկերներին՝ խնդրելով կոչ անել Վրաստանի կառավարությանը դադարեցնել այս չարտոնված շրջափակումը և վերացնել սահմանափակումները, որոնք խոչընդոտում են ապրանքների տարանցիկ տեղաշարժը իր տարածքով։
