Փաշինյանն ու Միշուստինը քննարկել են ԵԱՏՄ շրջանակում փոխգործակցությանը վերաբերող հարցեր
24.07.2025,
15:28
Ալթայի Հանրապետությունում տեղի է ունեցել Փաշինյան–Միշուստին հանդիպումը
ԵՐԵՎԱՆ, 24 հուլիսի․/ԱՌԿԱ/․ Ալթայի Հանրապետությունում անցկացվող Բնության և շրջակա միջավայրի պաշտպանությանը նվիրված միջազգային համաժողովի շրջանակում կայացել է Հայաստանի վարչապետ Նիկոլ Փաշինյանի և Ռուսաստանի Դաշնության Կառավարության նախագահ Միխայիլ Միշուստինի հանդիպումը, հաղորդում է ՀՀ վարչապետի մամուլի ծառայությունը։
Միխայիլ Միշուստինը շնորհակալություն է հայտնել ՀՀ վարչապետին միջազգային համաժողովին մասնակցելու հրավերն ընդունելու համար:
Հանդիպման ընթացքում անդրադարձ է կատարվել Հայաստան-Ռուսաստան հարաբերությունների ներկա ընթացքին։
Քննարկվել են երկկողմ համագործակցության օրակարգին, ԵԱՏՄ շրջանակում փոխգործակցությանը վերաբերող, ինչպես նաև երկուստեք հետաքրքրություն ներկայացնող այլ հարցեր։
