Սպառողական գները ՀՀ-ում հունվար-սեպտեմբերին աճել են 3.3%-ով

ԵՐԵՎԱՆ, 27 հոկտեմբեր․/ԱՌԿԱ/. Նախնական տվյալներով 2025 թ.-ի հունվար-սեպտեմբերին ՀՀ-ում սպառողական գները աճել են 3.3%-ով՝ 2024 թ.-ի հունվար-սեպտեմբերի համեմատ։ Այս մասին նշվում է ՀՀ վիճակագրական կոմիտեի հաշվետվության մեջ։

Միաժամանակ, այս տարվա սեպտեմբերին, նախորդ տարվա սեպտեմբերի համեմատ, աճը կազմել է 3.7%, իսկ այս տարվա օգոստոսի համեմատ՝ 0.3%։

Արդյունաբերական ապրանքների գները այս տարվա առաջին ինը ամիսներին նախորդ տարվա նույն ժամանակահատվածի համեմատ աճել են 3.1%-ով։ Սեպտեմբերին տարվա կտրվածքով աճը կազմել է 5.9%, իսկ ամսվա կտրվածքով աճը՝ 0.7%։

Վիճակագրական կոմիտեի նախնական տվյալների համաձայն՝ Հայաստանում տնտեսական ակտիվության ցուցանիշը (ՏԱՑ) 2025 թ.-ի հունվար-սեպտեմբերին աճել է 7.6%-ով՝ 2024 թ.-ի հունվար-սեպտեմբերի համեմատ։